കോട്ടയം: സംസ്ഥാന സഹകരണ വകുപ്പിന്റെ അംഗസമാശ്വാസ നിധി ഏഴാംഘട്ട ധനസഹായ വിതരണത്തിന്റെ ജില്ലാതല ഉദ്ഘാടനം ഇന്ന് ഉച്ചയ്ക്ക് 2ന് കോട്ടയത്ത് മന്ത്രി വി എൻ വാസവൻ നിർവഹിക്കും.
സംസ്ഥാന അവർഡിന് അർഹരായ സഹകരണസംഘങ്ങളെ അനുമോദിക്കും. സാഹിത്യ പ്രവർത്തക സഹകരണ സംഘം ഹാളില്‍ ചേരുന്ന സമ്മേളനത്തില്‍ സർക്കിള്‍ സഹകരണ യൂണിയൻ ചെയർമാൻ കെ എം രാധാകൃഷ്ണൻ അദ്ധ്യക്ഷത വഹിക്കും. ജില്ലാ പഞ്ചായത്ത് പ്രസിഡന്റ് ഹേമലത പ്രേംസാഗർ മുഖ്യപ്രഭാഷണം നടത്തും.അഡ്വ. പി സതീഷ് ചന്ദ്രൻ നായർ, ജോണ്‍സണ്‍ പുളിക്കീല്‍, ടി സി വിനോദ്, ജെയിംസ് വർഗ്ഗീസ്, ജോസ് ടോം, ജയമ്മ പോള്‍, വി എം പ്രദീപ്, സി ജെ ജോസഫ് എന്നിവർ സംസാരിക്കും.
