കോട്ടയം കവണാർ ടൂറിസം ജലമേള ഇന്ന്:പതിനഞ്ചോളം കളിവള്ളങ്ങൾ പങ്കെടുക്കും: ശ്രീശക്തീശ്വരം ക്ഷേത്രക്കടവിൽ നിന്നും ജല ഘോഷയാത്രയോടെ ആരംഭിക്കുന്ന ജലമേള മന്ത്രി വി.എൻ.വാസവനും കെ.ഫ്രാൻസിസ് ജോർജ് എംപിയും ചേർന്ന് ഉദ്ഘാടനം ചെയ്യും.

കുമരകം :അയ്മനം : കവണാർ ടൂറിസം ജലമേള ഇന്ന് 3.00 മണിക്ക് കവണാർ ആറ്റിൽ നടക്കും. അവിട്ടം ദിനമായ ഇന്ന് ഉച്ചയ്ക്കു 2 മണിക്ക് ശ്രീശക്തീശ്വരം

ക്ഷേത്രക്കടവിൽ നിന്നും ജല ഘോഷയാത്രയോടെ ആരംഭിക്കുന്ന ജലമേള 2.30നു മന്ത്രി വി.എൻ.വാസവനും കെ.ഫ്രാൻസിസ് ജോർജ് എംപിയും ചേർന്ന് ഉദ്ഘാടനം

ചെയ്യും. ഡോ. എം.വി നടേശൻ വിശിഷ്‌ടാതിഥിയാകും. ക്ലബ് പ്രസിഡൻ്റ് എം.കെ.പൊന്നപ്പൻ അധ്യക്ഷത വഹിക്കും.

ഉത്തരവാദിത്ത ടൂറിസത്തിന് ലോക ഭൂപടത്തിൽ ശ്രദ്ധ നേടിയ കുമരകം, അയ്മനം പഞ്ചായത്തുകളിൽ നടക്കുന്ന ജലമേളയാണ് കവണാർ ടൂറിസം ജലമേള.

പവിലിയനിലേക്കുള്ള പ്രവേശനം പാസിലൂടെ നിയന്ത്രിച്ചിട്ടുണ്ട്. ജലോത്സവത്തിൽ പതിനഞ്ചോളം കളിവള്ളങ്ങൾ പങ്കെടുക്കും.