ചാലക്കുടി: പപ്പടവും പഴവും കൂട്ടി ഉണ്ടില്ലെങ്കില്‍ പിന്നെന്ത് ഓണസദ്യ?
അതിനുള്ള പഴത്തിന്റെ വില കേട്ടാലോ ആളുകള്‍ ഞെട്ടും. ഓണസദ്യയിലെ താരമായ ഞാലിപ്പൂവൻ പഴത്തിന്റെ ഇപ്പോഴത്തെ വില കിലോയ്ക്ക് നൂറ് രൂപ.
അറുപതിനും എഴുപതിനും കിട്ടിക്കൊണ്ടിരുന്ന ഞാലിപ്പൂവന്റെ വില ഒരാഴ്ച മുൻപാണ് വില കുതിച്ചുകയറിയത്.
ഒരുപക്ഷെ, ഇനിയും കൂടാം.
Whatsapp Group 1 | Whatsapp Group 2 |Telegram Group
നാടൻ ഞാലിപ്പൂവൻ ഇതിലും കുറഞ്ഞ വിലയ്ക്ക് കിട്ടുമെങ്കിലും സദ്യവട്ടത്തില്‍ അവയ്ക്ക് മേനിയില്ലെന്നാണ് പൊതുവെയുള്ള സംസാരം. കൃഷി വകുപ്പിന്റെ ഓണച്ചന്തയിലൊന്നും സാധാരണ രുചിയേറിയ ഇവ വില്‍പ്പനയ്ക്കുണ്ടാകാറില്ല. അതുകൊണ്ടുതന്നെ എവിടെയുണ്ടായാലും ആളുകള്‍ അവ തേടിപ്പിടിക്കും.
നമ്മുടെ നാട്ടില്‍ ഒരു കാലത്ത് ധാരാളം കൃഷി ചെയ്തിരുന്നതാണ് ഞാലിപ്പൂവൻ. റോബസ്റ്റയും ഇതര നാട്ടിലെ വാഴകളും ചേക്കേറിയതോടെ ഇവയ്ക്ക് പ്രിയം കുറഞ്ഞു. കൃഷി ചെയ്യാൻ ആളുമില്ലാതെയായി. എങ്കിലും രുചിയുള്ള സദ്യയുടെ മേമ്പൊടിയായി ഇന്നും ഇവൻ വാഴുകയാണ്.
