ഡൽഹി: ചന്ദ്രയാൻ-5 ദൗത്യത്തില്‍ ഇന്ത്യയും ജപ്പാനും കൈകോർക്കും.
പ്രധാനമന്ത്രി നരേന്ദ്ര മോദിയുടെ ടോക്യോ സന്ദർശന വേളയിലാണ് സുപ്രധാന പ്രഖ്യാപനം.
സാങ്കേതികവിദ്യയുടെ മേഖലയിലും ബഹിരാകാശ പര്യവേക്ഷണത്തിലും ഒന്നിച്ചുകൊണ്ട് പുരോഗതി കൈവരിക്കാനുള്ള ഇരുരാജ്യങ്ങളുടെയും സന്നദ്ധത അടയാളപ്പെടുത്തുന്നതാണ് ചാന്ദ്രയാൻ-5 ലെ പങ്കാളിത്തം എന്ന് വിലയിരുത്തപ്പെടുന്നു. ചാന്ദ്രയാൻ പദ്ധതികളുടെ വിജയത്തിന് പിന്നാലെയുള്ള ഇന്ത്യയുടെ അടുത്ത ചാന്ദ്ര ദൗത്യമാണ് ചാന്ദ്രയാൻ-5.
ചന്ദ്രന്റെ ഉപരിതലത്തെയും പരിസ്ഥിതിയെയും കുറിച്ചുള്ള ശാസ്ത്രീയ ധാരണ വർധിപ്പിക്കാൻ ലക്ഷ്യമിടുന്നതാണ് ദൗത്യം. അത്യാധുനിക സാങ്കേതികവിദ്യയും ഗവേഷണ വൈദഗ്ധ്യവും പ്രയോജനപ്പെടുത്താൻ ജപ്പാനുമായുള്ള പങ്കാളിത്തം പ്രയോജനപ്പെടും.
Whatsapp Group 1 | Whatsapp Group 2 |Telegram Group
ചാന്ദ്രയാൻ-5 ദൗത്യത്തില്‍ ഇന്ത്യ നിർമ്മിച്ച ലാൻഡറും ജപ്പാൻ നിർമ്മിച്ച റോവറും ആയിരിക്കും ഉണ്ടാകുക. ഇതുവരെ ചന്ദ്രോപരിതലത്തില്‍ വിന്യസിച്ചതില്‍ വച്ച്‌ ഏറ്റവും ഭാരമേറിയ റോവർ ഇതായിരിക്കുമെന്നാണ് പുറത്തുവരുന്ന വിവരങ്ങള്‍. ജപ്പാനില്‍നിന്നാവും വിക്ഷേപണം.
