താമരശ്ശേരി ചുരത്തിൽ മണ്ണിടിച്ചിൽ ; യാത്രക്കാർ രക്ഷപ്പെട്ടത് തലനാരിഴയ്ക്ക്, ഗതാഗതം പൂർണമായും തടസ്സപ്പെട്ടു

കോഴിക്കോട് : താമരശ്ശേരി ചുരത്തിൽ മണ്ണിടിച്ചിൽ. ഗതാഗതം പൂർണമായും തടസ്സപ്പെട്ടു.

ചുരം ഒൻപതാം വളവിന് സമീപം വ്യൂ പോയിന്റിന്റെ അടുത്തായിട്ടാണ് മണ്ണും മരങ്ങളും കല്ലുകളും റോഡിലേക്ക് പതിച്ചിരിക്കുന്നത്.

മണ്ണിടിച്ചിൽ സമയത്ത് അതുവഴി കടന്ന് പോയ വാഹനങ്ങളിൽ നിന്നും യാത്രക്കാർ തലനാരിഴക്കാണ് രക്ഷപ്പെട്ടത്.

ആംബുലൻസുകൾ ഉൾപ്പെടെ ഉള്ള അത്യാവശ്യ വാഹനങ്ങൾ മറ്റു വഴികൾ ഉപയോഗപ്പെടുത്താൻ അധികൃതർ അറിയിച്ചു.

ഫയർ ഫോഴ്‌സ്, ജെസിബി എന്നീ വാഹനങ്ങൾക്ക് സംഭവ സ്ഥലത്തേക്ക് എത്തിയിട്ടുണ്ട്.