എറണാകുളത്തുനിന്ന് കോട്ടയംവഴി കായംകുളത്തേക്ക് മൂന്നാം റെയില്‍പ്പാത; അലൈൻമെന്റ് പൂര്‍ത്തിയാകുന്നു; സംസ്ഥാനത്തെ റെയിൽവേ ഗതാഗതത്തിൽ വലിയൊരു മുന്നേറ്റം ലക്ഷ്യമിടുന്ന പദ്ധതിയാണിത്

കൊച്ചി:എറണാകുളത്തു നിന്ന് കോട്ടയം വഴി കായംകുളത്തേക്ക് റെയിൽവേ മൂന്നാം ലൈൻ അലൈൻമെന്റ് പൂർത്തിയാകുന്നു. ഈ വർഷം തന്നെ ഇതിന്റെ ഡിപിആർ (വിശദമായ പദ്ധതി റിപ്പോർട്ട്) തയ്യാറാക്കാനുള്ള ഒരുക്കത്തിലാണ് റെയിൽവേ. ഈ റൂട്ടിൽ ട്രാഫിക് സർവേയും സമയബന്ധിതമായി പുരോഗമിക്കുന്നുണ്ട്.

സംസ്ഥാനത്തെ റെയിൽവേ ഗതാഗതത്തിൽ വലിയൊരു മുന്നേറ്റം ലക്ഷ്യമിടുന്ന പദ്ധതിയാണിത്. തിരുവനന്തപുരം-എറണാകുളം റൂട്ടിൽ യാത്രാസമയം വലിയതോതിൽ കുറയ്ക്കുന്നതിന് ഇത് വഴിയൊരുക്കും

114 കിലോമീറ്റർ നീളമുള്ള കോട്ടയം വഴിയുള്ള രണ്ടാം പാതയിലെ രണ്ടാം ലൈൻ ദീർഘകാലത്തെ കാത്തിരിപ്പിനുശേഷം 2022-ലാണ് പൂർത്തിയായത്.

യാത്രാവേഗം കൂട്ടുന്നതിൽ മൂന്നാം പാത വലിയൊരു പങ്കുവഹിക്കും. അതേസമയം സ്ഥലമെടുപ്പ് ഒരു വലിയ കടമ്പയാണ്. നിർമാണച്ചെലവിന്റെ നല്ലൊരുഭാഗം സ്ഥലമെടുപ്പിനായി നീക്കി വയ്ക്കേണ്ടി വരും.