കളർ സ്മോക്ക് ഏറ്റ് കടന്നൽ കൂട് ഇളകി, പാലായിൽ ഓണാഘോഷത്തിനിടയിൽ കടന്നൽ ആക്രമണം ; പാലാ സെന്റ് ജോസഫ് ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെന്റ് ആൻഡ് കാറ്ററിംഗ് കോളേജിലെ നൂറോളം വിദ്യാർത്ഥികൾക്കും അധ്യാപകനും കടന്നൽ കുത്തേറ്റു

കോട്ടയം : പാലായിൽ ഓണാഘോഷത്തിന് ഇടയിൽ കടന്നൽ കൂട് ഇളകി നൂറോളം വിദ്യാർത്ഥികൾക്കും അധ്യാപകനും കടന്നൽ കുത്തേറ്റു.

പാലാ സെന്റ് ജോസഫ് ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെന്റ് ആൻഡ് കാറ്ററിംഗ് ടെക്നോളജി കോളേജിലെ ഓണാഘോഷത്തിന് ഇടയിൽ ആണ് കടന്നൽ കൂട് ഇളകി വിദ്യാർത്ഥികളെ ആക്രമിച്ചത്.

കോളേജ് കെട്ടിടത്തിന് മുകളിലെ നിലയിൽ നിന്നും താഴേയ്ക്ക് ബാനർഡിസ്പ്ലേ ചെയ്ത സമയത്ത്

ബാനറിൻ്റെ ഇരുവശത്തും ഉള്ള കളർ സ്മോക്ക് പടക്കത്തിൻ്റെ പുകയേറ്റാണ് കടന്നൽ ഇളകിയത് ഇന്നലെ ഉച്ചകഴിഞ്ഞ് 3:15 ഓടെയായിരുന്നു സംഭവം.

കടന്നൽ കുത്തിൽ ഗുരുതരമായി പരിക്കേറ്റ പാമ്പാടി പാറാമറ്റം സ്വദേശിയായ വിദ്യാർത്ഥിയെ പാമ്പാടി താലൂക്ക് ആശുപത്രിയിൽ എത്തിച്ച് പ്രതിരോധ കുത്തിവെയ്പ്പ് എടുത്തു.