കൊച്ചി: യേരള എക്‌സൈസ് വകുപ്പിന് കീഴില്‍ സ്ഥിര ജോലി നേടാൻ അവസരം. കേരള എക്‌സൈസ് ആന്റ് പ്രൊഹിബിഷൻ ഡിപ്പാർട്ട്‌മെന്റ് വനിതകള്‍ക്കായി വനിത സിവില്‍ എക്‌സൈസ് ഓഫീസർ റിക്രൂട്ട്‌മെന്റ് നടത്തുന്നു.
മുസ്‌ലിം വിഭാഗക്കാർക്ക് മാത്രമായി നടക്കുന്ന സ്‌പെഷ്യല്‍ റിക്രൂട്ട്‌മെന്റാണിത്. താല്‍പര്യമുള്ളവർ പിഎസ്.സി വെബ്‌സൈറ്റ് സന്ദർശിച്ച്‌ ഓണ്‍ലൈൻ അപേക്ഷ നല്‍കണം.
അവസാന തീയതി: സെപ്റ്റംബർ 03
Whatsapp Group 1 | Whatsapp Group 2 |Telegram Group
തസ്തിക & ഒഴിവ്
കേരള എക്‌സൈസ് ആന്റ് പ്രൊഹിബിഷൻ ഡിപ്പാർട്ട്‌മെന്റില്‍ വനിത സിവില്‍ എക്‌സൈസ് ഓഫീസർ (ട്രെയിനി).
ആകെ ഒഴിവുകള്‍ 01. ഇടുക്കി ജില്ലയിലാണ് മുസ് ലിം കാറ്റഗറിയില്‍ ഒഴിവ് വന്നിട്ടുള്ളത്.
പ്രായപരിധി
19 വയസ് മുതല്‍ 34 വയസ് വരെ പ്രായമുള്ളവർക്ക് അപേക്ഷിക്കാം. ഉദ്യോഗാർഥികള്‍ 02.01.1991നും 01.01.2006നും ഇടയില്‍ ജനിച്ചവരായിരിക്കണം.
ശമ്പളം
27,900 രൂപമുതല്‍ 63,700 രൂപവരെയാണ് ശമ്പളം ലഭിക്കുക. പുറമെ സർക്കാർ അനുവദിക്കുന്ന മറ്റ് ആനുകൂല്യങ്ങളും ലഭിക്കും.
യോഗ്യത
പുരുഷ ഉദ്യോഗാർഥികള്‍ക്കും, ഭിന്നശേഷി വിഭാഗക്കാർക്കും അപേക്ഷിക്കാൻ സാധിക്കില്ല.
പ്ലസ് ടുവോ, തത്തുല്യ പരീക്ഷയോ വിജയിച്ചിരിക്കണം.
ഫിസിക്കല്‍ ടെസ്റ്റ്
ഉദ്യോഗാർഥികള്‍ക്ക് 152 സെ.മീ ഉയരം വേണം.
എല്ലാ ഉദ്യോഗാർഥികളും 2.5 കിലോമീറ്റർ ദൂരം 15 മിനുട്ടിനുള്ളില്‍ ഓടി എൻഡ്യൂറൻസ് ടെസ്റ്റ് പാസാവണം. മാത്രമല്ല താഴെ നല്‍കിയ കായിക ഇനങ്ങളില്‍ അഞ്ചെണ്ണം വിജയിക്കണം.
100 മീറ്റർ ഓട്ടം – 17 സെക്കന്റ്
ഹൈ ജമ്ബ് – 1.06 മീറ്റർ
ലോംഗ് ജമ്ബ് – 3.05 മീറ്റർ
പുട്ടിങ് ദ ഷോട്ട് ( 4 കെജി) – 4.88 മീറ്റർ
200 മീറ്റർ ഓട്ടം – 36 സെക്കന്റ്
ത്രോയിങ് ദി ത്രോ ബോള്‍ – 14 മീറ്റർ
ഷട്ടില്‍ റേസ് (4X25) = 26 സെക്കന്റ്
സ്‌കിപ്പിങ് (ഒര മിനുട്ട്) = 80 പ്രാവശ്യം.
അപേക്ഷ
താല്‍പര്യമുള്ള ഉദ്യോഗാർഥികള്‍ കേരള പിഎസ്.സിയുടെ ഔദ്യോഗിക വെബ്‌സൈറ്റ് https://www.keralapsc.gov.in/ സന്ദർശിക്കുക. ശേഷം നോട്ടിഫിക്കേഷനില്‍ കേരള എക്‌സൈസ് ആന്റ് പ്രൊഹിബിഷൻ ഡിപ്പാർട്ട്‌മെന്റില്‍ വനിത സിവില്‍ എക്‌സൈസ് ഓഫീസർ (ട്രെയിനി തിരഞ്ഞെടുക്കുക. വിശദമായ വിജ്ഞാപനം വായിച്ച്‌ സംശയങ്ങള്‍ തീർക്കുക. ആദ്യമായി പിഎസ്.സി വെബ്‌സൈറ്റ് സന്ദർശിക്കുന്നവർ ഒറ്റത്തവണ രജിസ്‌ട്രേഷൻ പൂർത്തിയാക്കണം. അല്ലാത്തവർക്ക് നേരിട്ട് പ്രൊഫൈലിലൂടെ അപേക്ഷിക്കാനാവും. അപേക്ഷ ഫീസ് നല്‍കേണ്ടതില്ല.
