കുക്കറില്ലാതെ മലയാളിക്കെന്ത് അടുക്കള? ഇന്നത്തെ അടുക്കളകളില്‍ ഒഴിച്ചുനിർത്താൻ കഴിയാത്ത ഒരു ഉപകരണമാണ് പ്രഷർ കുക്കർ. പ്രഷര്‍ കുക്കര്‍ ഇല്ലാത്ത ഒരു അടുക്കള സങ്കൽപിക്കാന്‍ പോലുമാവാത്ത സാഹചര്യമാണിപ്പോൾ. പാചകം അനായാസമാക്കുകയും എളുപ്പമാക്കുകയും ചെയ്യുന്നതുകൊണ്ട് തന്നെ ഒരു വിധം എല്ലാ വിഭവങ്ങളും പ്രഷർ കുക്കറില്‍ തന്നെ വേവിച്ചെടുക്കുന്നു.
എന്നിരുന്നാലും ചില ഭക്ഷണ പദാർത്ഥങ്ങള്‍ കുക്കറില്‍ പാകം ചെയ്യുന്നത് ആരോഗ്യത്തിന് അത്ര നല്ലതല്ല. ഉയർന്ന പ്രഷറില്‍ വേവിക്കുമ്പോൾ ചില ഭക്ഷണങ്ങളുടെ പോഷക മൂല്യം നഷ്ടമാകുന്നു. കൂടാതെ ചില സമയങ്ങളില്‍ ആരോഗ്യത്തിന് ഹാനീകരമായ സംയുക്തങ്ങള്‍ രൂപപ്പെടുന്നതിനും കാരണമാകുന്നു.
ഉയർന്ന താപനിലയില്‍ പോഷകമൂല്യം നഷ്ടപ്പെടുന്നവ
Whatsapp Group 1 | Whatsapp Group 2 |Telegram Group
പാലുത്പന്നങ്ങള്‍
പാല്‍, ചീസ് എന്നിവ ഉപയോഗിച്ച്‌ പാകം ചെയ്യുന്ന പനീർ പോലുള്ള കറികള്‍ ഉയർന്ന മർദ്ദത്തില്‍ വേവിക്കരുത്. കാരണം ഉയർന്ന താപനിലയും മർദ്ദവും പാലുത്പന്നങ്ങള്‍ കട്ടപിടിക്കുന്നതിനും തരിതരിയായി കട്ടകള്‍ രൂപപ്പെടുന്നതിനും കാരണമാകുന്നു. എന്നാല്‍, ചെറിയ താപനിലയില്‍ ഇവ പാചകം ചെയ്യുന്നത് വിഭവങ്ങള്‍ക്ക് മൃദുത്വം നല്‍കുകയും കേടാകുന്നത് തടയുകയും ചെയ്യുന്നു.
കടല്‍ വിഭവങ്ങള്‍
പ്രോഫ്രെറ്റ്, സാല്‍മണ്‍, ചെമ്മീൻ പോലുള്ള മത്സ്യങ്ങള്‍ക്ക് വളരെ ചുരുങ്ങിയ സമയത്തെ പാചകം മതിയാകും. എന്നാല്‍, കുക്കറിനുള്ളിലെ ഉയർന്ന മർദ്ദത്തില്‍ അവ എളുപ്പത്തില്‍ വേവുമെങ്കിലും മാംസം റബ്ബർ പോലെ കട്ടിയുള്ളതും വരണ്ടതും ആക്കുന്നു. ആവിയില്‍ വേവിക്കുക, ഗ്രില്‍ ചെയ്യുക അല്ലെങ്കില്‍ പാൻ- സിയറിങ് പോലെ നിയന്ത്രിത ചൂടില്‍ പാകം ചെയ്യുമ്ബോള്‍ കടല്‍ വിഭവങ്ങള്‍ കൂടുതല്‍ രുചികരമാകുന്നു.
ചീര, ബ്രോക്കോളി
ചീര, ബ്രോക്കോളി പോലുള്ള മൃദുവായ പച്ചക്കറികള്‍ വളരെ ചുരുങ്ങിയ സമയത്തിനുള്ളില്‍ കുറഞ്ഞ താപനിലയില്‍ പാകം ചെയ്തെടുക്കാം. എന്നാല്‍, പ്രഷർകുക്കറില്‍ വേവിക്കുമ്ബോള്‍ കുക്കറിനുള്ളിലെ ഉയർന്ന ചൂടും നീരാവിയും കാരണം അവയുടെ പോഷക മൂല്യങ്ങള്‍, നിറം, ഘടന എന്നിവ നഷ്ടപ്പെടുന്നു.
പാസ്തയും നൂഡില്‍സ്
പാസ്ത, നൂഡില്‍സ് അല്ലെങ്കില്‍ മാക്രോണി പോലുള്ള ഭക്ഷണങ്ങള്‍ പ്രഷർ കുക്കറില്‍ പാചകം ചെയ്യുമ്ബോള്‍ പലപ്പോഴും പാളിച്ചകള്‍ സംഭവിക്കാറുണ്ട്. ഇവ വളരെ വേഗം വെള്ളം ആഗിരണം ചെയ്യും. ഇത്തരം ഭക്ഷണപദാർത്ഥങ്ങള്‍ക്ക് ആനുപാതികമായി ചേർക്കേണ്ട വെള്ളത്തിന്റെ അളവ് നിർണ്ണയിക്കാൻ കഴിയാത്തത് കുക്കറിനുള്ളില്‍ ഇവ കട്ടപിടിക്കാനും ഒട്ടിപ്പിടിക്കാനും കാരണമാകുന്നു.
പാളിപോകുന്ന കുക്കർ പരീക്ഷണങ്ങള്‍
പ്രഷർ കുക്കറിന് ഒരിക്കലും ഒരു ഓവന്റെ ഫലം നല്‍കാൻ സാധിക്കില്ല. കേക്ക്, കുക്കീസ് പോലുള്ളവ ഓവനില്‍ പാചകം ചെയ്തെടുക്കുമ്പോൾ മൃദുവായി അനുഭവപ്പെടേണ്ട അവ കൂടുതല്‍ കട്ടിയുള്ളതാകുന്നു. കൂടാതെ അത്തരം വിഭങ്ങളുടെ പുറം ഭാഗം നഷ്ടപ്പെടുത്തുകയും രൂപഘടനയില്‍ അഭംഗി സൃഷ്ടിക്കുകയും ചെയ്യുന്നു. അതുകൊണ്ടാണ് കുക്കർ ഉപയോഗിച്ചുള്ള അത്തരം പരീക്ഷണങ്ങള്‍ പലതും പരാജയപ്പെടുന്നത്.
