കോട്ടയം: ബ്രേക്ഫാസ്റ്റിന് നല്ല സോഫ്റ്റ് ബണ്‍ ദോശ ഉണ്ടാക്കിയാലോ? വളരെ എളുപ്പത്തില്‍ കിടിലൻ സ്വാദോടെ തന്നെ തയ്യാറാക്കാം.
എങ്ങനെയെന്ന് നോക്കാം.
ആവശ്യമായ ചേരുവകള്‍
Whatsapp Group 1 | Whatsapp Group 2 |Telegram Group
പച്ചരി – രണ്ട് കപ്പ്
ഉലുവ – 1/2 ടീസ്പൂണ്‍
അവില്‍ – ഒരു കപ്പ്
തേങ്ങ – ഒരു കപ്പ്
വെള്ളം – ആവശ്യത്തിന്
ഉപ്പ് – പാകത്തിന്
വെളിച്ചെണ്ണ – നാല് ടീസ്പൂണ്‍
കടുക് – ഒരു ടീസ്പൂണ്‍
ഉഴുന്നുപരിപ്പ് – രണ്ട് ടീസ്പൂണ്‍
പച്ചമുളക് – അഞ്ചെണ്ണം
കറിവേപ്പില – രണ്ട് തണ്ട്
തയ്യാറാക്കുന്ന വിധം
അരിയും ഉലുവയും കഴുകി അഞ്ച് മണിക്കൂർ കുതിർക്കണം. ശേഷം അവില്‍ കഴുകി അല്പം വെള്ളം തളിച്ചിളക്കി വയ്ക്കുക. ഇനി കുതിർത്ത അരി-ഉലുവയും അവിലും തേങ്ങയും ആവശ്യത്തിന് വെള്ളവും ഒഴിച്ച്‌ മയത്തില്‍ അരച്ച്‌ പാകത്തിന് ഉപ്പ് ചേർത്തിളക്കി പുളിക്കാൻ വയ്ക്കുക. വെളിച്ചെണ്ണ ചൂടാക്കി കടുക് പൊട്ടിച്ച്‌ ഉഴുന്നുപരിപ്പ് ചേർത്ത് മൂക്കുമ്പോള്‍ പച്ചമുളകും കറിവേപ്പിലയും ചെറുതായി മുറിച്ചത് ചേർത്ത് വഴറ്റി മാവിലേക്ക് ചേർത്തിളക്കി വയ്ക്കുക. ഇനി അപ്പച്ചട്ടി ചൂടാക്കി ഒരു തവിയില്‍ മാവൊഴിച്ച്‌ അടച്ചു വച്ച്‌ ആവിയില്‍ വേവിക്കുക. ബാക്കി മാവും ഇതേപോലെ ചെയ്യുക.
