കോട്ടയം: സോഫ്റ്റും രുചികരവുമായ ചപ്പാത്തി കിട്ടാൻ ഗോതമ്ബ് പൊടി മാത്രം പോര. ഈ പനീർ ചപ്പാത്തി റെസിപ്പി ട്രൈ ചെയ്യൂ.
ചേരുവകള്‍
ഗോതമ്പ് പൊടി
ഉരുളക്കിഴങ്ങ്
സവാള
മല്ലിയില
പച്ചമുളക്
വറ്റല്‍മുളക്
ഉപ്പ്
തൈര്
പാല്‍
പനീർ
തയ്യാറാക്കുന്ന വിധം
Whatsapp Group 1 | Whatsapp Group 2 |Telegram Group
പനീർ ഗ്രേറ്റ് ചെയ്ത് മാറ്റി വയ്ക്കാം. ഉരുളക്കിഴങ്ങ് നന്നായി പുഴുങ്ങി തൊലി കളഞ്ഞ് ഉടച്ചെടുക്കാം. അതിലേയ്ക്ക് മല്ലിയില, സവാള, പച്ചമുളക് എന്നിവ ചെറുതായി അരിഞ്ഞതു ചേർക്കാം. വറ്റല്‍മുളക് ചതച്ചെടുത്തത് എരിവിനനുസരിച്ചും ആവശ്യത്തിന് ഉപ്പും കുറച്ചു തൈരും ചേർത്ത് നന്നായി കുഴച്ചെടുക്കാം. ഇതിലേയ്ക്ക് ഗോതമ്പ് പൊടി ചേർത്ത് ഒരിക്കല്‍ കൂടി ഇളക്കാം. പാലോ അല്ലെങ്കില്‍ ചെറുചൂടുള്ള വെള്ളമോ ഉപയോഗിച്ച്‌ കുഴയ്ക്കുന്നത് മാവ് സോഫ്റ്റാകാൻ സഹായിക്കും. കുഴച്ചെടുത്ത മാവ് ചെറിയ ഉരുളകളാക്കാം. ഉരുളകള്‍ക്കുള്ളിലേയ്ക്ക് ഗ്രേറ്റ് ചെയ്ത പനീർ വയ്ക്കാം. ശേഷം പരത്തിയെടുക്കാം. ഒരു പാൻ അടുപ്പില്‍ വച്ചു ചൂടാക്കാം. അതില്‍ കുറച്ച്‌ നെയ്യ് പുരട്ടാം. പാൻ ചൂടായതിനു ശേഷം തീ കുറച്ച്‌ ചപ്പാത്തി അതിലേയ്ക്കു വയ്ക്കാം. ഇരുവശങ്ങളും വേവിച്ചെടുക്കാം.
