സ്വാതന്ത്ര്യദിന പരിപാടിയിൽ വിതരണം ചെയ്ത ചിക്കൻ സാൻവിച്ചില്‍ നിന്ന് ഭക്ഷ്യവിഷബാധയെന്ന് സംശയം; 37 പേരെ ആശുപത്രിയില്‍ പ്രവേശിപ്പിച്ചു

മലപ്പുറം: മലപ്പുറം അരീക്കോട് 37 പേർക്ക് ഭക്ഷ്യവിഷബാധയെന്ന് സംശയം.

സ്വാതന്ത്ര്യ ദിനത്തോടനുബന്ധിച്ച്‌ കേരള മുസ്‌ലിം ജമാഅത്ത് സംഘടിപ്പിച്ച പരിപാടിയില്‍ പങ്കെടുത്തവർക്കാണ് ശാരീരിക അസ്വസ്ഥതകള്‍ അനുഭവപ്പെട്ടത്.

പരിപാടിയില്‍ വിതരണം ചെയ്ത ചിക്കൻ സാൻവിച്ചില്‍ നിന്നാണ് ഭക്ഷ്യവിഷബാധയേറ്റതെന്നാണ് സംശയം.

35 പേരെ അരീക്കോട് താലൂക്ക് ആശുപത്രിയിലും രണ്ടുപേരെ മഞ്ചേരി ഗവണ്‍മെൻ്റ് മെഡിക്കല്‍ കോളജിലും പ്രവേശിപ്പിച്ചു. ആരുടെയും നില ഗുരുതരമല്ല.