പറവൂർ കോടതി പരിസരത്ത് നിന്ന്  ബൈക്കുമായി കടന്നു; പോലീസിനെ വട്ടം കറക്കിയ കുപ്രസിദ്ധ ബൈക്ക് മോഷ്ടാവ് കോട്ടയം സ്വദേശി പറവൂർ പോലീസിന്റെ പിടിയിൽ; കേരളത്തിൽ 25ൽ പരം മോഷണ കേസുകൾ

പറവൂർ :നിരവധി മോഷണ കേസിലെ പ്രതി കോട്ടയം കിടങ്ങൂർ തെക്കേമഠം വേണുഗോപാലിനെ (വേണു-52) പറവൂർ പൊലീസ് അറസ്റ്റ് ചെയ്തു.
പറവൂർ കോടതി പരിസരത്ത് നിന്ന് കഴിഞ്ഞ നാലിന് ചേന്ദമംഗലം സ്വദേശിയുടെ ഇരുചക്ര വാഹനം മോഷണം പോയിരുന്നു.

അന്വേഷണത്തില്‍ വേണുഗോപാലിനെ നെടുമ്ബാശേരി എയർപോർട്ടിന് സമീപത്ത് നിന്ന് പിടികൂടി. മോഷണം ചെയ്ത ഇരുചക്ര വാഹനവും കണ്ടെടുത്തു.

കോട്ടയം, ആലപ്പുഴ, എറണാകുളം, തൃശൂർ ജില്ലകളിലെ വിവിധ സ്‌റ്റേഷനുകളിലായി 25ലധികം മോഷണ കേസുകളില്‍ പ്രതിയാണ്. കോടതിയില്‍ ഹാജരാക്കി റിമാൻ‌ഡ് ചെയ്തു.