സാമൂഹ്യ വിരുദ്ധരെ കൊണ്ട് പൊറുതിമുട്ടി ചീരഞ്ചിറ തെക്കേക്കരക്കാർ : നേരമൊന്ന് ഇരുട്ടിയാൽ സ്ത്രീകളും കുട്ടികളും മാത്രമുള്ള വീടുകളിലെത്തി നഗ്നതാ പ്രദർശനവും അസഭ്യം പറച്ചിലും ; സാമൂഹ്യ വിരുദ്ധരെ നിയമത്തിൻ്റെ മുൻപിൽ കൊണ്ടുവരുന്നതിനായി പോലീസിൻ്റെയും പഞ്ചായത്തിൻ്റെയും നേതൃത്വത്തിൽ ജനകീയ സമിതി യോഗം ചേർന്നു

ചീരഞ്ചിറ : സാമൂഹ്യ വിരുദ്ധരെ കൊണ്ട് പൊറുതിമുട്ടി ചീരഞ്ചിറ തെക്കേക്കരക്കാർ.

സ്ത്രീകളും കുട്ടികളും മാത്രമുള്ള വീടുകളിൽ അർധരാത്രി എത്തി നഗ്നത പ്രദർശിപ്പിക്കുകയും അസഭ്യം പറയുകയും ചെയ്യുന്ന സാമൂഹ്യ വിരുദ്ധരെ നിയമത്തിൻ്റെ മുൻപിൽ കൊണ്ടു വരുന്നതിനായി പോലീസിൻ്റെയും പഞ്ചായത്തിൻ്റെയും നേതൃത്വത്തിൽ 13-ാം വാർഡ് ജാഗ്രതാ സമിതി ജനകീയ യോഗം ചേർന്നു.

പഞ്ചായത്ത് പ്രസിഡന്റെ മിനി വിജയകുമാർ യോഗം ഉദ്ഘാടനം ചെയ്തു. പ്രദേശവാസികൾ നൽകിയ സൂചനയുടെ അടിസ്ഥാനത്തിൽ ഒരാളെ ചോദ്യം ചെയ്യുന്നതിനായി പോലീസ് കസ്റ്റഡിയിൽ എടുത്തു.

സഷിൻ തലക്കുളം, ബിനു മൂലയിൽ, സുജ ഈപ്പച്ചൻ, അഡ്വ സി.യു. അജയൻ, മനോജ് വർഗീസ്, ശശികുമാർ പാണൂർ, ചാക്കോച്ചൻ കൊക്കാട്ട്, സുധടീച്ചർ, നിഷാ ചെറിയാൻ തുടങ്ങിയവർ യോഗത്തിൽ പങ്കെടുത്തു.