കൊച്ചി: കാമുകിയെ കാണാൻ തോന്നുന്നതില്‍ പുതുമയൊന്നുമില്ല. എന്നാല്‍ അർദ്ധരാത്രി കാമുകിയെ കാണാൻ ചെന്ന് വീട്ടുകാരുടെ മുന്നില്‍പ്പെട്ടാലുള്ള അവസ്ഥയൊന്ന്
ആലോചിച്ചുനോക്കൂ.
അത്തരമൊരു വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലായിക്കൊണ്ടിരിക്കുന്നത്.
ഇരുട്ടത്ത് യുവാവ് കാമുകിയുടെ വീട്ടിലേക്ക് നുഴഞ്ഞുകയറുന്നതാണ് വീഡിയോയുടെ തുടക്കത്തിലുള്ളത്. രഞ്ജീത് സിംഗ് (@ranjeet__singh_60)
എന്നയാളാണ് വീഡിയോ ഇൻസ്റ്റാഗ്രാമില്‍ പങ്കുവച്ചത്. കാമുകിയെ കാണാനുള്ള ആഗ്രഹത്തില്‍ വീട്ടിലേക്ക് കയറി. എന്നാല്‍ പെണ്‍കുട്ടിയുടെ വീട്ടുകാർ യുവാവിനെ കൈയോടെ പിടികൂടി. അവിടംകൊണ്ടും തീർന്നില്ല.
രാവിലെ ആയപ്പോഴേക്കും പെണ്‍കുട്ടിയുടെ ബന്ധുക്കളും നാട്ടുകാരുമൊക്കെ വീട്ടിലെത്താൻ തുടങ്ങി. ഉടൻ വിവാഹിതരാകണം എന്ന നിർദേശമായിരുന്നു പെണ്‍കുട്ടിയുടെ ബന്ധുക്കള്‍ യുവാവിന് നല്‍കിയത്. പെണ്‍കുട്ടി യുവാവിന്റെ നെറ്റിയില്‍ തിലകം ചാർത്തുന്നതും വീഡിയോയില്‍ കാണാം.
Whatsapp Group 1 | Whatsapp Group 2 |Telegram Group
യുവാവ് കാമുകിക്ക് സിന്ദൂരം ചാർത്തിക്കൊടുക്കുന്നു. എന്നാല്‍ യുവാവിന്റെ മുഖത്ത് സന്തോഷമായിരുന്നില്ല, മറിച്ച്‌ ഞെട്ടലായിരുന്നു. ഇതോടെയാണ് സമൂഹമാദ്ധ്യമങ്ങളില്‍ ചർച്ച ഉടലെടുത്തത്.
മൂന്ന് കോടിയിലധികം പേരാണ് വീഡിയോ കണ്ടത്. ലക്ഷക്കണക്കിന് ലൈക്കുകളും കമന്റുകളുമാണ് വീഡിയോയ്‌ക്ക്‌ വന്നത്. കാമുകിയുമായി സമയം ചെലവഴിക്കുക മാത്രമായിരുന്നു യുവാവിന്റെ ഉദ്ദേശം, വിവാഹം കഴിക്കാൻ അയാള്‍ ഉദ്ദേശിച്ചിരുന്നില്ലെന്നാണ് മിക്കവരും കമന്റ് ചെയ്തിരിക്കുന്നത്.
‘ഒരു പെണ്‍കുട്ടിയുടെ വീട്ടിലേക്ക് നുഴഞ്ഞുകയറുപോള്‍ ആലോചിക്കണമായിരുന്നു’, ‘പ്രണയത്തില്‍ നിന്ന് വിട്ടുനില്‍ക്കുന്നതും ജിമ്മില്‍ ശ്രദ്ധ കേന്ദ്രീകരിക്കുന്നതുമാണ് ആരോഗ്യത്തിന് നല്ലത്’- എന്നിങ്ങനെ പോകുന്നു കമന്റുകള്‍. അതേസമയം, ഈ സംഭവം എവിടെയാണ് ഉണ്ടായതെന്ന് വ്യക്തമല്ല.
