ശിക്ഷ കഴിഞ്ഞ് സെൻട്രല്‍ ജയിലില്‍ നിന്നിറങ്ങി; നാട്ടിലേക്ക് പോകാനായി ബൈക്ക് മോഷ്ടിച്ച്‌ കടന്നുകളഞ്ഞു; സോഡാ ബാബുവിനെ വീണ്ടും പൊക്കി പോലീസ്

കണ്ണൂർ: ജയിലില്‍ നിന്നിറങ്ങി വീട്ടില്‍ പോകാൻ ബൈക്ക് മോഷ്ടിച്ച പ്രതിയെ വീണ്ടും അറസ്റ്റ്.

കണ്ണൂർ സെൻട്രല്‍ ജയിലില്‍ നിന്ന് ശിക്ഷ കഴിഞ്ഞ് ഇറങ്ങി നാട്ടിലേക്ക് പോകാനായി പ്രതി ബൈക്ക് മോഷ്ടിച്ച്‌ കടന്നുകളയുകയായിരുന്നു.

തൃശൂർ സ്വദേശി ബാബുരാജ് എന്ന സോഡ ബാബുവാണ് ബൈക്ക് മോഷ്ടിച്ചതിനെ തുടർന്ന് വീണ്ടും അറസ്റ്റിലായത്.

ജയിലില്‍ നിന്നിറങ്ങിയ സോഡാ ബാബുവിന് വീട്ടിലേക്ക് പോവാൻ വാഹനം ഉണ്ടായിരുന്നില്ല. തുടർന്ന് ഇയാള്‍ ബൈക്ക് മോഷ്ടിച്ച്‌ കടന്നുകളയുകയായിരുന്നു.

ബൈക്ക് മോഷണം പോയ വിവരം പുറത്തുവന്നതോടെ സിസിടിവി ദൃശ്യങ്ങള്‍ കേന്ദ്രീകരിച്ച്‌ നടത്തിയ അന്വേഷണത്തിലാണ് പ്രതിയെ കണ്ടെത്തിയത്. കണ്ണൂർ ടൗണ്‍ പോലീസ് ആണ് സോഡാ ബാബുവിനെ അറസ്റ്റ് ചെയ്തത്.