മുൻ ഗവര്‍ണര്‍ ആരിഫ് മുഹമ്മദ് ഖാൻ രാജ്ഭവനില്‍; ഷാളണിയിച്ച്‌ രാജേന്ദ്ര അര്‍ലേക്കര്‍; ഇന്ന് കവടിയാർ കൊട്ടാരം സന്ദർശിക്കും

തിരുവനന്തപുരം : മുൻ ഗവർണർ ആരിഫ് മുഹമ്മദ് ഖാൻ രാജ്ഭവനിലെത്തി.

ഇപ്പോള്‍ ബിഹാർ ഗവർണറായ അദ്ദേഹത്തെ ഗവർണർ രാജേന്ദ്ര ആർലേക്കർ ഷാളണിയിച്ചും ബൊക്കെ നല്‍കിയും സ്വീകരിച്ചു.

രാജ്ഭവനിലെ മുഖ്യ സുരക്ഷാ ഉദ്യോഗസ്ഥൻ അബ്ദുള്‍ റഷീദിന്റെ മകന്റെ വിവാഹത്തില്‍ പങ്കെടുക്കാനാണ് ആരിഫ് മുഹമ്മദ് ഖാൻ എത്തിയത്. രാജ്ഭവൻ ജീവനക്കാരുമായും അദ്ദേഹം സൗഹൃദം പങ്കുെവച്ചു.

ശനിയാഴ്ച രാജ്ഭവനില്‍ താമസിച്ച അദ്ദേഹം ഞായറാഴ്ച കവടിയാർ കൊട്ടാരം സന്ദർശിക്കും. തൈക്കാട് ഗാന്ധിഭവൻ സംഘടിപ്പിക്കുന്ന പരിപാടിയിലും പങ്കെടുത്ത ശേഷം അദ്ദേഹം തിങ്കളാഴ്ച രാവിലെ മടങ്ങും.