കണ്ണൂര്: കണ്ണൂര് സെന്ട്രല് ജയിലില് നിന്ന് തടവ് ചാടിയ ഗോവിന്ദച്ചാമിയെ വിയ്യൂര് സെന്ട്രല് ജയിലിലേക്ക് മാറ്റുന്നു.
കനത്ത സുരക്ഷയിലാണ് വിയ്യൂരിലേക്ക് കൊണ്ടുപോകുന്നത്. അതിസുരക്ഷാ ജയിലില് നിന്ന് വെള്ളിയാഴ്ച പുലര്ച്ചയോടെയാണ് ഗോവിന്ദച്ചാമി രക്ഷപ്പെട്ടത്. ശക്തമായ തിരച്ചിലിനിടെ രണ്ട് കിലോമീറ്റര് അകലെയുള്ള കിണറ്റില് നിന്നാണ് ഗോവിന്ദച്ചാമിയെ പിടികൂടിയത്.
ഗോവിന്ദച്ചാമിയെ പാര്പ്പിക്കാന് വിയ്യൂര് ജയിലില് എല്ലാ തയ്യാറെടുപ്പുകളും പൂര്ത്തിയായതായി ഉദ്യോഗസ്ഥര് അറിയിച്ചു. ഏകാന്ത സെല്ലിലാണ് പാര്പ്പിക്കുക.
Whatsapp Group 1 | Whatsapp Group 2 |Telegram Group
536 പേരെ പാര്പ്പിക്കാന് ശേഷിയുള്ള വിയ്യൂരില് നിലവില് 125 കൊടും കുറ്റവാളികള് മാത്രമാണ് ഉള്ളത്. ഫാനും കട്ടിലും സിസിടിവി ക്യാമറകളും സജ്ജമാണ്. സെല്ലിലുള്ളവര്ക്ക് പരസ്പരം കാണാനോ സംസാരിക്കാനോ സാധിക്കില്ല. ഭക്ഷണം കഴിക്കാന് പോലും സെല്ലിന് പുറത്തേക്കിറക്കില്ല. സെല്ലില് ഇരുന്നുകൊണ്ട് തന്നെ കഴിക്കണം. ആറ് മീറ്റര് ഉയരത്തില് 700 മീറ്റര് ചുറ്റളവിലാണ് വിയ്യൂരിലെ മതില് പണിതിരിക്കുന്നത്.
