കോഴിക്കോട്: കുട്യാടി ചൂരണിയില് നാട്ടുകാർക്കരികിലേക്ക് പാഞ്ഞടുത്ത് കുട്ടിയാന.
സ്ഥലത്ത് പ്രതിഷേധിച്ചുകൊണ്ടിരുന്ന ആള്ക്കൂട്ടത്തിനിടയിലേക്കാണ് ആന പാഞ്ഞെത്തിയത്.
ആന വരുന്നത് കണ്ട് ആളുകള് ചിതറി ഓടി. തലനാരിഴയ്ക്കാണ് കാട്ടാനയുടെ ആക്രമണത്തില് നിന്നും പ്രദേശവാസികള് രക്ഷപെട്ടത്.
ഇന്ന് രാവിലെയാണ് ചൂരണിയിലെ ജനവാസ മേഖലയില് കാട്ടാനയിറങ്ങിയത്. കൂട്ടം തെറ്റി എത്തിയ കുട്ടിയാനയാണ് ഇവിടെ വീണ്ടും എത്തിയത്. സ്ഥലത്ത് തുടർച്ചയായി കാട്ടാന ശല്യം അനുഭവപ്പെടുന്നതിനാല് നാട്ടുകാർ പ്രതിഷേധം ശക്തമാക്കിയിരുന്നു.
Whatsapp Group 1 | Whatsapp Group 2 |Telegram Group
രാവിലെ സംഭവ സ്ഥലത്തെത്തിയ വനം വകുപ്പ് ഉദ്യോഗസ്ഥരെയും നാട്ടുകാർ തടഞ്ഞിരുന്നു.
ചൂരണിയിലെ അങ്കണവാടിക്ക് സമീപത്തായാണ് കുട്ടിയാന തമ്പടിച്ചിരിക്കുന്നത്. ചൂരണിയിലും കരിങ്ങാടുമായി ദമ്ബതികള് ഉള്പ്പെടെ ആറ് പേരെ കുട്ടിയാന കഴിഞ്ഞ ദിവസങ്ങളില് ആക്രമിച്ചിരുന്നു.
ആനയെ മയക്കുവെടി വെച്ച് പിടികൂടാൻ വനംവകുപ്പ് ഉത്തവിട്ടെങ്കിലും നടപടിയൊന്നും ഉണ്ടായിട്ടില്ല. പ്രദേശത്ത് ആനയുടെ ആക്രമണം ഉണ്ടായിട്ടും നടപടി എടുക്കാത്തതിന് പ്രതിഷേധിച്ച് പ്രദേശവാസികള് രംഗത്തെത്തി.
ഇതേതുടർന്ന് കുറ്റ്യാടി റെഞ്ച് ഫോറസ്റ്റ് ഓഫീസിലെ ഉദ്യോഗസ്ഥരെ നാട്ടുകാർ തടഞ്ഞുവച്ചു. ആനയെ മയക്കുവെടി വെച്ചാല് മാത്രമേ തങ്ങള് പ്രതിഷേധം അവസാനിപ്പിക്കുകയുള്ളു എന്നാണ് നാട്ടുകാർ പറയുന്നത്.
