കണ്ണില്ലാത്ത കൊടുംക്രൂരത…! മൂന്ന് മാസം പ്രായമുള്ള നായക്കുട്ടിയുടെ മുഖത്തേക്ക് രാസലായനി ഒഴിച്ച്‌ ആക്രമണം; ഒരു കണ്ണിന്റെ കാഴ്ച നഷ്ടപ്പെട്ടു; ആന്തരികാവയവങ്ങള്‍ക്ക് പൊളളലേറ്റു

കൊച്ചി: മൂന്ന് മാസം മാത്രമുളള നായക്കുട്ടിയുടെ മുഖത്തേക്ക് രാസലായനി ഒഴിച്ച്‌ ആക്രമണം.

എറണാകുളം പുത്തൻകുരിശ് സ്വദേശി നയനയുടെ വളർത്തുനായ പൂപ്പിക്കാണ് ദുരവസ്ഥ ഉണ്ടായത്.

കഴിഞ്ഞ തിങ്കളാഴ്ചയായിരുന്നു സംഭവം. നായക്കുട്ടിയുടെ ഒരു കണ്ണിന്റെ കാഴ്ച പൂർണമായും നഷ്ടപ്പെട്ടു. ആന്തരികാവയവങ്ങള്‍ക്ക് പൊളളലേറ്റിട്ടുണ്ട്.

സംഭവത്തില്‍ പുത്തൻകുരിശ് പൊലീസില്‍ പരാതി നല്‍കിയിട്ടുണ്ടെന്ന് നയന പറഞ്ഞു. ചില അയവാസികളെ സംശയമുളളതായും കുടുംബം ആരോപിക്കുന്നുണ്ട്. നയനയുടെ അമ്മ പുറത്ത് പോയ സമയത്താണ് ആക്രമണം നടന്നത്.