കേന്ദ്ര ആഭ്യന്തര മന്ത്രി അമിത്ഷാ ഇന്ന് കണ്ണൂരില്‍: ക്ഷേത്രദർശനത്തിനു ശേഷം, മാരാർജി ഭവനില്‍ ബിജെപി നേതാക്കളുമായി കൂടിക്കാഴ്ച നടത്തും

കണ്ണൂർ: കേന്ദ്ര ആഭ്യന്തരമന്ത്രി അമിത് ഷാ ഇന്ന് വൈകിട്ട് നാലിന് കണ്ണൂരിൽ എത്തും.

ശേഷം, കാർ മാർഗം തളിപ്പറമ്പിലെ രാജരാജേശ്വരി ക്ഷേത്രത്തിൽ ദർശനം നടത്തും. വൈകിട്ടാണ് ക്ഷേത്ര സന്ദർശനം നടക്കുക.

തുടർന്ന്, കണ്ണൂർ താളികാവിലെ ബി.ജെ.പി ജില്ലാ ആസ്ഥാനമായ മാരാർജി ഭവനില്‍ അമിത്ഷാ ബിജെപി ജില്ലാ നേതാക്കളുമായി കൂടിക്കാഴ്ച‌ നടത്തും.

മന്ത്രി കടന്നുപോകുന്ന ഭാഗങ്ങളില്‍ ഗതാഗതനിയന്ത്രണമുണ്ട്. സുരക്ഷയുടെ ഭാഗമായി കണ്ണൂർ സിറ്റി പൊലീസ് കമീഷണർ പി നിധിൻരാജി ന്റെ നേതൃത്വത്തില്‍ മട്ടന്നൂരില്‍ ഉന്നതതല യോഗം ചേർന്നു