1. വിനോദ സഞ്ചാര വകുപ്പിന് കീഴില്‍ വിവിധ തസ്തികകളില്‍ നിയമനം നടക്കുന്നു. കേരള ടൂറിസം ഡെവലപ്മെന്റ് കോർപറേഷന് കീഴിലും ടൂറിസം വകുപ്പിന് കീഴിലുമാണ് കരാർ നിയമനങ്ങള്‍ നടക്കുന്നത്. അസിസ്റ്റന്റ് കുക്ക്, ബില്‍ ക്ലർക്ക്, സെക്രട്ടറി തുടങ്ങിയ തസ്തികകളിലാണ് ഒഴിവുകള്‍. താല്‍പര്യമുള്ളവർ ജൂലെെ 14ന് മുൻപായി അപേക്ഷകള്‍ അയക്കണം.
കെടിഡിസി
കേരള ടൂറിസം ഡെവലപ്മെന്റ് കോർപ്പറേഷന് കീഴില്‍ അസിസ്റ്റന്റ്, ബില്‍ ക്ലാർക്ക് തസ്തികയില്‍ 12 ഒഴിവുകളാണ് റിപ്പോർട്ട് ചെയ്തിരിക്കുന്നത്. അപേക്ഷിക്കാനുള്ള അവസാന തീയതി ജുലൈ 14 ആണ്.
Whatsapp Group 1 | Whatsapp Group 2 |Telegram Group
യോഗ്യത
അസിസ്റ്റന്റ് കുക്ക് : പത്താം ക്ലാസും തത്തുല്യ യോഗ്യതയും ഉള്ളവർക്ക് അപേക്ഷിക്കാം. ഫുഡ് പ്രൊഡക്ഷനില്‍ സർട്ടിഫിക്കറ്റ്/ കുക്കറിയില്‍ എൻസിവിടി സർട്ടിഫിക്കറ്റ്/ അല്ലെങ്കില്‍ തത്തുല്യ യോഗ്യത വേണം.
ബില്‍ ക്ലാർക്ക്- പത്താം ക്ലാസ് അല്ലെങ്കില്‍ തത്തുല്യ യോഗ്യതയുള്ളവർക്ക് അപേക്ഷിക്കാം.
ശമ്ബളം
അസിസ്റ്റന്റ് കുക്ക് : തിരഞ്ഞെടുക്കപ്പെടുന്നവർക്ക് 22,000 രൂപ ശമ്പളം ലഭിക്കും.
ബില്‍ ക്ലാർക്ക്: 18,000 രൂപ ശമ്പളം ലഭിക്കും.
2. ജില്ലാ ടൂറിസം വകുപ്പിന് കീഴില്‍ സെക്രട്ടറി
സംസ്ഥാന ടൂറിസം വകുപ്പിന് കീഴില്‍ വിവിധ ജില്ലാ ടൂറിസം പ്രമോഷൻ കൗണ്‍സിലുകളില്‍ സെക്രട്ടറി തസ്തികയിലേക്കാണ് കരാർ നിയമനം നടക്കുന്നത്. കരാർ നിയമന കാലാവധി 3 വർഷമായിരിക്കും. പരീക്ഷയുടേയും അഭിമുഖത്തിന്റേയും അടിസ്ഥാനത്തിലായിരിക്കും നിയമനം.
പ്രായപരിധി
45 വയസ് വരെ പ്രായമുള്ളവർക്ക് അപേക്ഷിക്കാം. ( 2025 ജനുവരി 1 അടിസ്ഥാനമാക്കി പ്രായം കണക്കാക്കും). സംവരണ വിഭാഗക്കാർക്ക് നിയമാനുസൃത വയസിളവ് ലഭിക്കും.
യോഗ്യത
ടൂറിസം മാനേജ്മെൻഖിലോ അല്ലെങ്കില്‍ ടൂറിസം ആന്റ് ട്രാവലിലോ എം ബി എ / ടൂറിസം അഡ്മിനിസ്ട്രേഷനില്‍ ബിരുദാനന്തര ബിരുദം (എം ടി എ) / ടൂറിസം മാനേജ്മെന്റില്‍ ബിരുദ ബിരുദം/ ട്രാവല്‍ ആൻഡ് ടൂറിസത്തില്‍ എംഎ ബിരുദം ഉള്ളവരായിരിക്കണം. അപേക്ഷകർക്ക് കുറഞ്ഞത് 5 വർഷത്തെ പ്രവർത്തിപരിചയം ഉണ്ടായിരിക്കണം. അതില്‍ 3 വർഷം മാനേജീരിയല്‍ തലത്തിലുള്ള പ്രവർത്തിപരിചയം ആയിരിക്കണം.
ശമ്പളം: തിരഞ്ഞെടുക്കപ്പെടുന്നവർക്ക് പ്രതിമാസം 60,000 രൂപ ശമ്പളമായി ലഭിക്കും.
അപേക്ഷ
അപേക്ഷകള്‍ സ്വീകരിക്കുന്ന അവസാന തീയതി ജൂലൈ 15 ആണ്. അപേക്ഷിക്കാൻ www.keralatourism.org/recruitments എന്ന വെബ്സൈറ്റ് സന്ദർശിക്കുക. കൂടുതല്‍ വിവരങ്ങള്‍ക്ക് https://www.keralatourism.org/oass/uploads/notification-ads/DTPC-secretaries-notification-2025.pdf
