ദുരന്ത നിവാരണ ഫണ്ട് അനുവദിച്ച്‌ കേന്ദ്രം; വയനാടിന് 153.20 കോടി രൂപ; ഉത്തരാഖണ്ഡിന് 455 കോടി; അസമിന് 375 കോടി

ഡല്‍ഹി: പ്രകൃതി ദുരന്ത നിവാരണങ്ങള്‍ക്കായിയി കേന്ദ്ര സർക്കാർ വിവിധ സംസ്ഥാനങ്ങള്‍ക്ക് ദുരന്ത നിവാരണ ഫണ്ടില്‍ നിന്ന് തുക അനുവദിച്ചു.

കേരളത്തിലെ വയനാടിന് 153.20 കോടി രൂപയാണ് ഇതില്‍ അനുവദിച്ചത്. മുണ്ടക്കൈ-ചൂരല്‍ മല ദുരന്തത്തിന്റെ പശ്ചാത്തലത്തിലാണ് വയനാടിന് ഈ തുക അനുവദിച്ചത്.

ആഭ്യന്തര മന്ത്രി അമിത് ഷാ എക്സിലൂടെ അറിയിച്ചതനുസരിച്ച്‌, ആകെ 1066.80 കോടി രൂപയാണ് വിവിധ സംസ്ഥാനങ്ങള്‍ക്കായി അനുവദിച്ചിരിക്കുന്നത്. ഇതില്‍ അസമിന് 375 കോടി രൂപയും ഉത്തരാഖണ്ഡിന് 455 കോടി രൂപയും ലഭിച്ചു.

മണിപ്പൂർ: 29.20 കോടി രൂപ, മേഘാലയ: 30.40 കോടി രൂപ, മിസോറാം: 22.80 കോടി രൂപ എന്നിങ്ങനെയാണ് മറ്റ് സംസ്ഥാനങ്ങള്‍ക്കുള്ള വിഹിതം.