കീഴൂർ പ്ലാംചുവടിൽ വൈദ്യുതി പോസ്റ്റ് വലിച്ചു കെട്ടിയ കമ്പിയിലൂടെ കാട് കയറുന്നു: നടപടിയെടുക്കാതെ കെഎസ്ഇബി; അപകടഭീതിയിൽ നാട്ടുകാർ

തലയോലപ്പറമ്പ്: വൈദ്യുതി പോസ്റ്റ് വലിച്ചു കെട്ടിയ കമ്പിയിലൂടെ പടര്‍ന്ന് കയറുന്ന കാട് അപകടഭീഷണി ആകുന്നു.

തലയോലപ്പറമ്പ്-പെരുവ റോഡിലുള്ള കീഴൂര്‍ പ്ലാംചുവട് ക്ഷേത്രത്തിന്റെ മുന്നിലുള്ള പോസ്റ്റിലാണ് വള്ളിച്ചെടികള്‍ വളര്‍ന്നു കയറുന്നത്.

ഈ പോസ്റ്റിലൂടെ സമീപത്തെ ട്രാന്‍സ്‌ഫോര്‍മറിലേക്ക് 11 കെവി വൈദ്യുത ലൈനാണ് കടന്നുപോകുന്നത്. ഇക്കാര്യം ചൂണ്ടിക്കാട്ടിക്കൊണ്ട് പലതവണ കെഎസ്ഇബി അധികൃതരെ വിവരം അറിയിച്ചിട്ടും കാര്യമായ നടപടി സ്വീകരിച്ചില്ലെന്ന് നാട്ടുകാര്‍ പറയുന്നു.