ദീർഘകാലമായി മദ്യം കഴിക്കുന്ന ചില ആളുകൾ ഒരു പരിധി കഴിയുമ്പോൾ മദ്യപാനം സ്വയം നിർത്താനായി ശ്രമിക്കാറുണ്ട്. അത്തരത്തിൽ മദ്യപാനം നിർത്താൻ ശ്രമിക്കുമ്പോൾ, ശരീരം ചില സൂചനകൾ നൽകും. ഇത് ഓരോ വ്യക്തികളെയും അവരുടെ ആരോഗ്യനിലയെയും സംബന്ധിച്ചിരിക്കും.
പൊതുവേ കണ്ടുവരുന്ന ലക്ഷണങ്ങൾ:
- വിശപ്പില്ലായ്മ
വിശപ്പ് കുറയുന്നത് ഒരു സാധാരണ ലക്ഷണമാണ്. - ഓക്കാനവും ഛര്ദ്ദിയും
വയറിന് അസ്വസ്ഥതയും ഓക്കാനവും ഛര്ദ്ദിയും ഉണ്ടാകാം. - ക്ഷീണം
കഠിനമായ ക്ഷീണം അനുഭവപ്പെടാം. - ഹൃദയമിടിപ്പ് കൂടുക
ഹൃദയമിടിപ്പ് സാധാരണയേക്കാള് വേഗത്തിലാകാം. - ഉത്കണ്ഠയും അസ്വസ്ഥതയും
മനസ്സിന് അസ്വസ്ഥതയും വെപ്രാളവും തോന്നാം. ചെറിയ കാര്യങ്ങള്ക്ക് പോലും ദേഷ്യം വരാം. - വിറയല്
കൈകള്ക്കും ശരീരത്തിനും വിറയല് അനുഭവപ്പെടാം. ഇത് സാധാരണയായി മദ്യം നിര്ത്തി ഏതാനും മണിക്കൂറുകള്ക്കുള്ളില് കണ്ടുതുടങ്ങും. - രക്തസമ്മര്ദ്ദം കൂടുക
രക്തസമ്മര്ദ്ദം ഉയരാന് സാധ്യതയുണ്ട്. - അമിതമായ വിയര്പ്പ്
ശരീരം അമിതമായി വിയര്ക്കാം, പ്രത്യേകിച്ച് രാത്രിയില്. - തലവേദന
സാധാരണയായി തലവേദന അനുഭവപ്പെടാം.
മദ്യപാനം നിർത്തുമ്പോൾ സംഭവിക്കുന്ന ഈ ലക്ഷണങ്ങൾ ചിലപ്പോൾ അതീവ ഗുരുതരമായി മാറാനുള്ള സാധ്യതയുണ്ട്. അതുകൊണ്ട് തന്നെ, മദ്യപാനം നിർത്തുന്നത് ഒരു ഡോക്ടറുടെയോ ആരോഗ്യപരിചരണ വിദഗ്ദ്ധന്റെയോ മേൽനോട്ടത്തിലായിരിക്കേണ്ടതാണ്. ഇതുവഴി ലക്ഷണങ്ങളെ ചിട്ടയായി നിയന്ത്രിക്കാനും, ആവശ്യമെങ്കിൽ വേണ്ട മെഡിക്കൽ സഹായം ലഭ്യമാക്കാനും കഴിയും.
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
Whatsapp Group 1 | Whatsapp Group 2 |Telegram Group
Whatsapp Group 1 | Whatsapp Group 2 |Telegram Group
