പരീക്ഷയ്‌ക്ക് തോല്‍ക്കുമോയെന്ന പേടി; പിജി വിദ്യാര്‍ത്ഥിനി കിടപ്പുമുറിയില്‍ തൂങ്ങമരിച്ചു; ആത്മഹത്യാക്കുറിപ്പ് കണ്ടെടുത്തു

കൊച്ചി: പെരുമ്പാവൂരില്‍ പി ജി വിദ്യാർത്ഥിനി ആത്മഹത്യ ചെയ്തു.

പെരുമ്പാവൂർ സ്വദേശിനി അക്ഷര യാണ് (23) മരിച്ചത്.

പരീക്ഷയ്‌ക്ക് തോല്‍ക്കുമോയെന്ന മനോവിഷമത്തിലാണ് പെണ്‍കുട്ടി ജീവനൊടുക്കിയതെന്നാണ് റിപ്പോർട്ടുകള്‍. കുറുപ്പംപടിയിലെ സ്വകാര്യ കോളേജില്‍ എം എസ് ഡ്ബ്ല്യു വിദ്യാർത്ഥിനിയാണ്.

ഇന്നലെ പെണ്‍കുട്ടിയ്ക്ക് ഒരു പരീക്ഷയുണ്ടായിരുന്നു. ഇന്ന് രാവിലെ വീട്ടിലെ കിടപ്പുമുറിയില്‍ തൂങ്ങമരിച്ചനിലയിലാണ് അക്ഷരയെ കണ്ടെത്തിയത്.

മുറിയില്‍ നിന്ന് ആത്മഹത്യാക്കുറിപ്പും കിട്ടിയിട്ടുണ്ട്. കഴിഞ്ഞ ദിവസത്തെ പരീക്ഷ പ്രതീക്ഷിച്ച രീതിയില്‍ എഴുതാനായില്ലെന്നാണ ആത്മഹത്യാക്കുറിപ്പിലുള്ളത്. സംഭവത്തില്‍ ദുരൂഹതയില്ലെന്നാണ് പൊലീസിന്റെ പ്രാഥമിക നിഗമനം.