കണ്ണൂർ : കാമുകനോടൊപ്പം ഭാര്യ ഒളിച്ചോടിയതില് മനംനൊന്ത് ഭര്ത്താവ് ആത്മഹത്യ ചെയ്ത സംഭവത്തില് ഭാര്യയും ആണ് സുഹൃത്തും അറസ്റ്റില്.
പാലോട്ടു പള്ളി സ്വദേശികളായ മുഹമ്മദ് അഫ്നാസിനെയും നസ്മിനയേയുമാണ് മട്ടന്നൂര് പൊലീസ് അറസ്റ്റ് ചെയ്തത്. ആത്മഹത്യാ പ്രേരണക്കുറ്റം ചുമത്തിയാണ് ഇരുവരെയും പൊലീസ് അറസ്റ്റ് ചെയ്തിരിക്കുന്നത്.
ഭാര്യ കാമുകനോടൊപ്പം ഒളിച്ചോടിയതിനെ തുടര്ന്നായിരുന്നു കീച്ചേരിയിലെ പി കെ സുനീര് ആത്മഹത്യ ചെയ്തത്. മാര്ച്ച് 16നാണ് സുനീറിനെ വീട്ടില് തൂങ്ങിമരിച്ച നിലയില് കണ്ടെത്തിയത്. ജനുവരിയിലായിരുന്നു ഇദ്ദേഹത്തിന്റെ ഭാര്യ നസ്മിന കാമുകനോടൊപ്പം ഒളിച്ചോടിയത്. സുനീറിന്റെ പക്കല് ഉണ്ടായിരുന്ന സ്വര്ണവും പണവും ഒപ്പം മക്കളേയും നസ്മിന കൊണ്ടുപോയിരുന്നു.
Whatsapp Group 1 | Whatsapp Group 2 |Telegram Group
ഇക്കാര്യങ്ങള് വ്യക്തമാക്കുന്ന ആത്മഹത്യാക്കുറിപ്പ് പൊലീസ് കണ്ടെത്തിയിരുന്നു. സ്വർണം തിരിച്ചു നല്കാനും കൂടെ കൊണ്ടുപോയ മക്കളെ വിട്ടിനല്കാനും ആവശ്യപ്പെട്ടിരുന്നുവെന്നും എന്നാല് നസ്മിന തയ്യാറായില്ലെന്നും ആത്മഹത്യാ കുറിപ്പില് ചൂണ്ടിക്കാട്ടിയിരുന്നു. ഇതിന് പിന്നാലെ നസ്മിനക്കും അഫ്നാസിനുമെതിരെ പൊലീസ് ആത്മഹത്യാ പ്രേരണക്കുറ്റം ചുമത്തി കേസെടുക്കുകയായിരുന്നു.
