തിരുവനന്തപുരം: മലയിൻകീഴ് എം കെ ബജാജ് ഷോറൂമിലെത്തിച്ച ബജാജ് ഡോമിനാർ 400 സി.സി ബൈക്കിന്‍റെ പുറക് ഭാഗത്തെ ടയറും അനുബന്ധഭാഗങ്ങളും മോഷണം പോയി. കഴിഞ്ഞ ദിവസം രാത്രിയാണ് മോഷണം പോയത്.
സമീപത്തെ സിസിടിവി ക്യാമറ ദൃശ്യത്തില്‍ നിന്നും രാത്രി 12.30ന് ഷോറൂമിന് സമീപമെത്തിയ മോഷ്ടാവെന്നു കരുതുന്നയാളിന്‍റെ ദൃശ്യം ലഭിച്ചിട്ടുണ്ട്. ഷോറൂമിന് വെളിയിലുണ്ടായിരുന്ന വാഹനം മറ്റൊരിടത്തേക്ക് മാറ്റിയ ശേഷമാണ് വീല്‍ ഊരിയെടുത്തിട്ടുള്ളത്. മൂന്നു ലക്ഷത്തോളം രൂപ വിലവരുന്ന ബൈക്കില്‍ നിന്നും അരലക്ഷം രൂപ വിലയുള്ള യന്ത്രഭാഗങ്ങളാണ് കവർന്നത്. വില്പന നടത്തുന്നതിന് രജിസ്‌ട്രേഷൻ നടപടി പൂർത്തിയാക്കി സൂക്ഷിച്ചിരുന്നതാണ് വാഹനം.
മലയിൻകീഴ് പൊലീസില്‍ ഷോറും ഉടമ പരാതി നല്‍കിയതില്‍ അന്വേഷണം ആരംഭിച്ചതായി മലയിൻകീഴ് പൊലീസ് പറഞ്ഞു. പ്രദേശത്തെ സിസിടിവി കേന്ദ്രീകരിച്ചാണ് അന്വേഷണം.
Whatsapp Group 1 | Whatsapp Group 2 |Telegram Group
രണ്ട് പ്രധാന റൂട്ടുകളിലെ ദൃശ്യങ്ങള്‍ പരിശോധിച്ചെങ്കിലും ഇവരുടെ ചിത്രം പതിഞ്ഞിട്ടില്ലാത്തതിനാല്‍ മറ്റ് വഴികളിലേക്കും അന്വേഷണം വ്യാപിപ്പിച്ചിരിക്കുകയാണ് പൊലീസ്.
