ഇരുചക്ര വാഹനത്തിൽ ആന്ധ്രപ്രദേശില്‍ നിന്നും കേരളത്തിലേക്ക് കഞ്ചാവ് കടത്തി ; 10 കിലോ കഞ്ചാവുമായി തിരുവനന്തപുരം സ്വദേശി ഡാൻസാഫിന്റെ പിടിയിൽ

തിരുവനന്തപുരം : കല്ലമ്പലത്ത് വന്‍ കഞ്ചാവ് ശേഖരവുമായി ഒരാൾ പിടിയിൽ.

ബാലരാമപുരം സ്വദേശിയായ തണ്ണിക്കുഴി ബേബി ലാന്റില്‍ (42) എന്ന അരുണ്‍ പ്രകാശ് ആണ് കഞ്ചാവുമായി പിടിയിലായത്.

ആന്ധ്രപ്രദേശില്‍ നിന്നും ഇരുചക്ര വാഹനത്തില്‍ കേരളത്തിലേക്ക് കടത്തിക്കൊണ്ടു വരികയായിരുന്നു കഞ്ചാവാണ് പിടികൂടിയത്.

രണ്ട് വലിയ ട്രാവല്‍ ബാഗുകളിലായാണ് ഇയാൾ കഞ്ചാവ് സൂക്ഷിച്ചിരുന്നത്. തിരുവനന്തപുരത്തേക്ക് വരികയായിരുന്ന പ്രതിയെ കല്ലമ്പലം തട്ടുപാലത്തിന് സമീപം വച്ച് ഇന്ന് രാവിലെ ഡാന്‍സാഫ് സംഘം പിടികൂടുകയായിരുന്നു.