സംസ്ഥാനത്തെ ആശാവര്‍ക്കേഴ്‌സിന് നാളെ നിര്‍ബന്ധിത പരിശീലനം; പണിമുടക്കുമായി മുന്നോട്ടുപോകുമെന്ന് സമരസമിതി

തിരുവനന്തപുരം: സംസ്ഥാനത്തെ ആശമാർക്ക് നാളെ നിർബന്ധിത പരിശീലനം. പരിശീലന പരിപാടിയില്‍ ഓണലൈനായി പങ്കെടുക്കണമെന്നാണ് നിർദേശം. ആശമാരുടെ റാലി നാളെ തിരുവനന്തപുരത്ത് സമാപിക്കാനിരിക്കെയാണ് നിർബന്ധിത പരിശീലനം.

ആശാ വർക്കേഴ്‌സിന്റെ സംഘടന നാളെ പണിമുടക്ക് പ്രഖ്യാപിച്ച്‌ NHMന് കത്ത് നല്‍കിയിരുന്നു. .

ആശമാരുടെ സമരത്തെ തകർക്കാൻ ശ്രമമെന്ന് ആശാ സമരസമിതി നേതാവ് എം. എ. ബിന്ദു പറഞ്ഞു. നിർബന്ധിത ട്രെയിനിങ്ങിന് ഓർഡർ ഇറങ്ങിയത് സമരത്തെ തകർക്കാൻ. ജനാധിപത്യപരമായാണ് മുന്നോട്ടുപോകുന്നത്.

നാളത്തെ പണിമുടക്ക് ബന്ധപ്പെട്ട അധികാരികളെ അറിയിച്ചിരുന്നു. സമരത്തെ തകർക്കാനും പങ്കാളിത്തം കുറയ്ക്കാനും ആണ് നാളത്തെ ട്രെയിനിങ്. അതിനെ മുഖവിലയ്ക്കെടുക്കാതെ പണിമുടക്കുമായി മുന്നോട്ടുപോകുമെന്നും സമരസമിതി നേതാവ് എം. എ. ബിന്ദു വ്യക്തമാക്കി.