ന്യൂഡൽഹി: ഇനിമുതൽ രാജ്യത്ത് പിന്കോഡിന് ബദലായി ഉപയോഗിക്കാവുന്ന ഡിജിറ്റല് മേല്വിലാസ സംവിധാനമായ ‘ഡിജിപിന്’ അവതരിപ്പിച്ച് ഇന്ത്യന് പോസ്റ്റല് വകുപ്പ്.
വിശാലമായ ഒരു പ്രദേശത്തിനാകെ വരുന്ന തിരിച്ചറിയൽ നമ്പറാണ് പിന്കോഡ് എന്നത്. അതിന് കീഴില് വീടുകളും സ്ഥാപനങ്ങളുമെല്ലാം ഉള്പ്പെടുന്നു. എന്നാല് നാല് മീറ്റര് ചുറ്റളവിലേക്ക് വരെ ചുരുങ്ങുന്ന തരത്തില് കിറുകൃത്യമായ ലൊക്കേഷന് ടാഗിംഗാണ് ഡിജിപിനിന്റെ സവിശേഷത. നിങ്ങളുടെ വീട്, ഓഫീസ് അല്ലെങ്കില് മറ്റ് ഏതെങ്കിലും ഇടം മറ്റുള്ളവര്ക്ക് കൃത്യമായി കണ്ടെത്താന് ഡിജിപിന് ഉപയോഗിച്ചാല് വളരെയെളുപ്പം കഴിയും.
ഓരോ സ്ഥലത്തിന്റെയും അക്ഷാംശവും രേഖാംശവും കണക്കാക്കിയാണ് ഡിജിപിന് എന്ന ഡിജിറ്റല് അഡ്രസ് സൃഷ്ടിക്കപ്പെടുന്നത്. അക്ഷരങ്ങളും അക്കങ്ങളും ചേര്ന്ന പത്തക്ക നമ്പറാണ് ഡിജിപിന്.
Whatsapp Group 1 | Whatsapp Group 2 |Telegram Group
പുതിയ ഡിജിപിന് നിങ്ങള് ഉപയോഗിച്ചാലും നിലവിലെ പോസ്റ്റല് വിലാസത്തില് യാതൊരു മാറ്റവും സംഭവിക്കില്ല എന്നതാണ് യാഥാര്ഥ്യം. പ്രദേശം, സ്ട്രീറ്റ്, വീട്ടുനമ്പർ എന്നിവയെല്ലാം പോസ്റ്റല് അഡ്രസില് കാണും. എന്നാല് ഡിജിപിന് എന്നത് പത്തക്ക കോഡാണ്. അതിലൂടെ നിലവിലെ ലൊക്കേഷന് സംവിധാനങ്ങള് ഒന്നുകൂടി കിറുകൃത്യമാക്കാന് സഹായിക്കുന്ന ഒരു അധിക/നവീന സംവിധാനമായി ഡിജിപിനിനെ കണക്കാക്കാം. ഈ പത്തക്ക നമ്പർ വഴി ഏറ്റവും കൃത്യമായ ലൊക്കേഷന് അറിയാന് സാധിക്കും.
ഡിജിപിൻ എന്ന ഡിജിറ്റൽ അഡ്രസ് സിസ്റ്റം ഓൺലൈൻ ആയും ഓഫ് ലൈൻ ആയും ഉപയോഗിക്കാവുന്ന വിധത്തിലാണ് രൂപകല്പ്പന ചെയ്തിരിക്കുന്നത്. ഡിജിപിൻ ലഭ്യമാക്കുന്നതിനും ഡീകോഡ് ചെയ്യുന്നതിനുമായി പ്രോഗ്രാമിംഗ് കോഡ് തപാല് വകുപ്പ് പബ്ലിക് ഡൊമൈനില് പങ്കിട്ടിട്ടുണ്ട്.
