ന്യൂഡൽഹി: സുതാര്യതയും നിഷ്പക്ഷതയും ഉറപ്പാക്കുന്നതിന് നീറ്റ് പരീക്ഷ ഒറ്റ ഷിഫ്ടിൽ നടത്തണമെന്ന് സുപ്രീംകോടതി ഉത്തരവിനെ തുടർന്ന് നീറ്റ് പി ജി പരീക്ഷ മാറ്റിവച്ചു
ഈ നിർദ്ദേശത്തെ അടിസ്ഥാനമാക്കി, ആദ്യം നിശ്ചയിച്ചിരുന്നതുപോലെ നീറ്റ് പിജി 2025 ഇനി രണ്ട് ഷിഫ്റ്റുകളിൽ നടത്തില്ലെന്ന് NBEMS സ്ഥിരീകരിച്ചു.
എല്ലാ ഉദ്യോഗാർത്ഥികളെയും ഒറ്റ ഷിഫ്റ്റിൽ ഉൾക്കൊള്ളുന്നതിനായി NBEMS അധിക പരീക്ഷാ കേന്ദ്രങ്ങളും ആവശ്യമായ അടിസ്ഥാന സൗകര്യങ്ങളും ഒരുക്കുന്നതിനായി പ്രവർത്തിക്കുകയാണ്. പുതുക്കിയ പരീക്ഷാ തീയതി പിന്നീട് ഔദ്യോഗിക വെബ്സൈറ്റുകളായ natboard.edu.in-ലും nbe.edu.inലും അറിയിക്കും.നീറ്റ് പി.ജി 2025-ന്റെ അഡ്വാൻസ്ഡ് സിറ്റി ഇന്റിമേഷൻ സ്ലിപ്പ് ജൂൺ 2-ന് പുറത്തിറക്കാന് തീരുമാനിച്ചിരുന്നു.
ഇന്ത്യയിലെ പോസ്റ്റ് ഗ്രാജ്വേറ്റ് മെഡിക്കൽ കോഴ്സുകളിലേക്കുള്ള (എം.ഡി/എം.എസ്/പി.ജി ഡിപ്ലോമ) പ്രവേശനത്തിനായി NBEMS നടത്തുന്ന ദേശീയ തലത്തിലുള്ള പ്രവേശന പരീക്ഷയാണ് നീറ്റ് പി.ജി.ജൂൺ 15ന് പരീക്ഷ നടത്തി ജൂലൈ 15ന് ഫലം പ്രഖ്യാപിക്കാനാണ് നേരത്തെ തീരുമാനിച്ചിരുന്നത്. പരീക്ഷാ നടത്തിപ്പ് വൈകുന്നതിനാൽ ഫലപ്രഖ്യാപനവും വൈകിയേക്കും.
Whatsapp Group 1 | Whatsapp Group 2 |Telegram Group