മുങ്ങിത്താണ കപ്പലില്‍ 250 ടണ്‍ കാത്സ്യം കാര്‍ബൈഡ്; കണ്ടെയ്നറുകളില്‍ വെളളം കടന്നാല്‍ വലിയ സ്ഫോടനത്തിനടക്കം സാധ്യത; എണ്ണപ്പാട നീക്കുന്നത് തുടരുന്നു

കൊച്ചി: അറബിക്കടലില്‍ മുങ്ങിത്താന്ന ചരക്കുകപ്പലില്‍ നിന്ന് ഒഴുകിപ്പടർന്ന എണ്ണപ്പാട നീക്കം ചെയ്യുന്നത് തുടരുന്നു.

കൊച്ചി തീരത്തുനിന്ന് 38 നോട്ടിക്കല്‍ മൈല്‍ ദൂരെയാണ് 640 കണ്ടെയ്നറുകളുമായി എത്തിയ ചരക്കുകപ്പല്‍ മുങ്ങിയത്. കോസ്റ്റുഗാർ‍ഡിന്‍റെ രണ്ട് കപ്പലുകളും ഡോണിയർ വിമാനങ്ങളും ഉപയോഗിച്ചാണ് എണ്ണപ്പാട നീക്കം ചെയ്യാനുളള ശ്രമം തുടരുന്നത്.

മുങ്ങിത്താണ കപ്പലിനുളളില്‍ ഇപ്പോഴും ശേഷിക്കുന്ന 250 ടണ്ണോളം കാത്സ്യം കാർബൈഡ് നിറച്ച കണ്ടെയ്നറുകള്‍ അപകടകരമെന്നാണ് വിലയിരുത്തല്‍.
കണ്ടെയ്നറുകളില്‍ വെളളം കടന്നാല്‍ കാത്സ്യം കാർബൈഡുമായി കൂടിക്കലർന്ന് അസറ്റലീൻ വാതകം ഉണ്ടാവുകയും അതുവഴി വലിയ സ്ഫോടനത്തിന് സാധ്യതയുണ്ടെന്നുമാണ് കണക്കുകൂട്ടുന്നത്.

അതുകൊണ്ടുതന്നെ കരുതലോടെയാണ് വിവിധ ഏജൻസികളുടെ നീക്കം.