ശശി തരൂര്‍ നയിക്കുന്ന ഇന്ത്യൻ പ്രതിനിധി സംഘം ന്യൂയോര്‍ക്കില്‍; 9/11 ഭീകരാക്രമണ സ്‌മാരകത്തില്‍ ആദരമര്‍പ്പിച്ചു; സംഘം ഇനി ഗയാനയിലേക്ക്

ഡൽഹി: ഓപ്പറേഷൻ സിന്ദൂർ സംബന്ധിച്ച്‌ വിശദീകരിക്കാനുള്ള ശശി തരൂർ നയിക്കുന്ന ഇന്ത്യൻ പ്രതിനിധി സംഘം അമേരിക്കയിലെത്തി.

ന്യൂയോർക്കില്‍ 9/11 സ്മാരകം സന്ദർശിച്ച്‌ സംഘം ആദരാഞ്ജലി അർപ്പിച്ചു. ഭീകരവാദത്തിനെതിരെ ലോകം ഒന്നിച്ചു നില്‍ക്കുന്നതിന്റെ ഓർമപ്പെടുത്തലാണ് 9/11 സ്മാരകമെന്ന് ശശി തരൂർ പ്രതികരിച്ചു.

ഇന്ത്യയും ഭീകരവാദത്തിന് ഇരയാകുന്ന രാജ്യമെന്നും തരൂർ പറഞ്ഞു. പ്രതിനിധി സംഘം ഇനി ഗയാനയിലേക്ക് പോകും.

പാനമ, കൊളംബിയ, ബ്രസീല്‍ തുടങ്ങിയ രാജ്യങ്ങള്‍ സന്ദർശിച്ച ശേഷം വാഷിംഗ്ടണില്‍ എത്തും. പിന്നീടാണ് അമേരിക്കൻ അധികൃതരുമായുള്ള ചർച്ച.