തിരുവനന്തപുരം:സാമ്പത്തിക പ്രതിസന്ധിക്കിടെ ഈ മാസം സർക്കാർ സർവീസിൽ നിന്ന് ഇന്ന് വിരമിക്കുന്നത് പതിനായിരത്തോളം പേർ.വിരമിക്കൽ ആനുകൂല്യം നൽകാനായി വേണ്ടിവരുന്നത് 3000 കോടിയോളം രൂപ. ഇതിനുള്ള പണം കണ്ടെത്താന്‍ നെട്ടോട്ടമോടുകയാണ് സര്‍ക്കാര്‍. ഇതിനായി 27നു പൊതുവിപണിയില്‍ കടപ്പത്രമിറക്കി 2000 കോടി രൂപ സര്‍ക്കാര്‍ കടമെടുക്കും.ഈ വര്‍ഷം 24,424 പേര്‍ ആകെ വിരമിക്കുന്നതില്‍ പകുതിയോളം പേരാണ് ഈ മാസം മാത്രം റിട്ടയര്‍ ചെയ്യുന്നത്.തസ്തികയനുസരിച്ച് 15 ലക്ഷം മുതല്‍ 80 ലക്ഷം രൂപ വരെയാണ് ഓരോരുത്തര്‍ക്കും നല്‍കേണ്ടി വരിക. ഗ്രാറ്റുവിറ്റി, ടെര്‍മിനല്‍ സറണ്ടര്‍, പെന്‍ഷന്‍ കമ്യൂട്ടേഷന്‍, പിഎഫ്, സ്റ്റേറ്റ് ലൈഫ് ഇന്‍ഷുറന്‍സ്, ഗ്രൂപ്പ് ഇന്‍ഷുറന്‍സ് തുടങ്ങിയവയാണു പെന്‍ഷന്‍ ആനുകൂല്യങ്ങള്‍.
