മലപ്പുറം കൂരിയാട് സർവീസ് റോഡ് ഇടിഞ്ഞ് അപകടം ; വാഹനങ്ങള്‍ മണ്ണിനടിയില്‍ കുടുങ്ങിക്കിടക്കുന്നതായി സംശയം

മലപ്പുറം  :  കൂരിയാട് റോഡ് ഇടിഞ്ഞ് അപകടം. സര്‍വീസ് റോഡാണ് ദേശീയപാതയിലേക്ക് ഇടിഞ്ഞത്. ഇതിന് പിന്നാലെ പുതിയ ആറ് വരി പാതയുടെ ഭാഗവും സര്‍വീസ് റോഡിലേക്ക് ഇടിഞ്ഞു.

വാഹനങ്ങള്‍ മണ്ണിനടിയില്‍ കുടുങ്ങിക്കിടക്കുന്നതായി സംശയമുണ്ട്. കോഴിക്കോട് നിന്ന് തൃശൂര്‍ ഭാഗത്തേക്ക് വരുന്നിടത്താണ് റോഡ് ഇടിഞ്ഞത്.

രണ്ട് കാറുകള്‍ക്ക് മേല്‍ മണ്ണും കോണ്‍ക്രീറ്റ് കട്ടകളും വീണതായാണ് വിവരം. ആളപായമില്ലെന്നും വിവരമുണ്ട്. അപകടത്തെ തുടര്‍ന്ന് സ്ഥലത്ത് ഗതാഗതം സ്തംഭിച്ചു.