ഭർത്താവിനൊപ്പം പള്ളിയിൽ പോവുന്നതിനിടെ അപകടം ; സ്കൂട്ടറില്‍ ലോറിയിടിച്ച്‌ നവവധുവിന് ദാരുണാന്ത്യം

അരൂർ: സ്കൂട്ടറില്‍ ട്രെയിലർ ലോറിയിടിച്ച്‌ യുവതിക്ക് ദാരുണാന്ത്യം. തച്ചാറ കന്നുകളങ്ങര വീട്ടില്‍ ജോമോന്റെ ഭാര്യ എസ്തേർ (27) ആണ് മരിച്ചത്.

ഭർത്താവുമൊത്ത് സ്കൂട്ടറില്‍ പള്ളിയിലേക്ക് പോകുന്നതിനിടെ ദേശീയപാതയില്‍ അരൂർ ക്ഷേത്രം കവലയില്‍ വെച്ചാണ് അപകടമുണ്ടായത്.

ഞായറാഴ്ച രാവിലെ 9.30ഓടെയായിരുന്നു അപകടം. ഇവരുടെ വിവാഹം കഴിഞ്ഞിട്ട് ആറുമാസമേ ആയിട്ടുള്ളൂ.

ദേശീയപാതയില്‍ ഉയരപ്പാത നിർമാണം നടക്കുന്നയിടത്താണ് അപകടമുണ്ടായത്. ട്രെയിലർ ജോമോൻ ഓടിച്ച സ്കൂട്ടറില്‍ തട്ടിയതിനെ തുടർന്ന് പിൻ സീറ്റിലായിരുന്ന എസ്തേർ റോഡിലേക്ക് തെറിച്ചുവീഴുകയായിരുന്നു. എസ്തേറിന് സംഭവസ്ഥലത്തുതന്നെ ജീവൻ നഷ്ടമായി. മൃതദേഹം അരൂക്കുറ്റി സർക്കാർ ആശുപത്രി മോർച്ചറിയിലേക്ക് മാറ്റി.