കുടുംബ പ്രശ്നത്തെ തുടർന്ന് കൊല്ലത്ത് അമ്മയെ കഴുത്തറുത്ത് കൊലപ്പെടുത്തി മകൻ ആത്മഹത്യ ചെയ്തു

കൊല്ലം : കഴുത്തല കിഴവൂരിൽ മാതാവിനെ കൊലപ്പെടുത്തിയ ശേഷം മകൻ ആത്മഹത്യ ചെയ്തു. നസിയത്ത് (60), മകൻ ഷാൻ (33) എന്നിവരാണ് മരിച്ചത്. ഇന്ന് രാവിലെയാണ് സംഭവമുണ്ടായത്.

അമ്മയെ കഴുത്ത് അറത്ത് കൊലപ്പെടുത്തിയ ശേഷം യുവാവ് തൂങ്ങി മരിക്കുകയായിരുന്നു. കുടുംബ പ്രശ്നങ്ങളാണ് കൊലപാതകത്തിലേക്ക് നയിച്ചത് എന്നാണ് പ്രാഥമിക നിഗമനം.

രാവിലെ ഇരുവരും തർക്കിച്ചിരുന്നതായി അയൽവാസികൾ പറഞ്ഞു. കൊട്ടിയം പോലീസ് സ്ഥലത്തെത്തി ഇൻക്വസ്റ്റ് നടപടികൾ ആരംഭിച്ചു.