സേലം: തമിഴ്നാട്ടിൽ കോട്ടയം തിരുവാതുക്കൽ മോഡൽ കൊലപാതകം. വ്യാപാരികളായ ദമ്പതികളെ ചുറ്റികകൊണ്ട് അടിച്ചു കൊലപ്പെടുത്തി. സേലം ജഗീരമ്മ പാളയത്ത് ആണ് സംഭവം.
വ്യാപാരികളായ ദമ്ബതികളെ ചുറ്റികകൊണ്ട് അടിച്ചു കൊലപ്പെടുത്തി ആഭരണങ്ങള്‍ കവർന്നു. പ്രതിയെ പോലീസ് അറസ്റ്റ് ചെയ്തു. ജഗീരമ്മ പാളയം സ്വദേശികളായ ഭാസ്കരൻ , ഭാര്യ ദിവ്യ എന്നിവരാണ് കൊല്ലപ്പെട്ടത്.
അതിഥിത്തൊഴിലാളി ബിഹാർ സ്വദേശി സുനില്‍ കുമാറാണ് ശൂരമംഗലം പൊലീസ് അറസ്റ്റ് ചെയ്തത്. കടയില്‍ സാധനം വാങ്ങാനെന്ന വ്യാജേന എത്തിയ സുനില്‍കുമാർ കയ്യിലുണ്ടായിരുന്ന ചുറ്റികകൊണ്ട് ദിവ്യയുടെ തലയ്ക്കടിച്ച്‌ വീഴ്ത്തുകയായിരുന്നു .
Whatsapp Group 1 | Whatsapp Group 2 |Telegram Group
ദിവ്യയുടെ നിലവിളികേട്ട് എത്തിയ ഭാസ്കരനെയും തലയ്ക്കടിച്ചു വീഴ്ത്തി.ഇരുവരും മരിക്കുന്നതു വരെ സുനില്‍കുമാർ ഇവരുടെ തലയില്‍ ചുറ്റികകൊണ്ട് അടിച്ചു എന്നാണ് പൊലീസ് പറയുന്നത് .
ദിവ്യയുടെ ശരീരത്തിലുണ്ടായിരുന്ന സ്വർണമാല, വള, കമ്മല്‍ എന്നിവ കവർന്നു. കടയോടു ചേർന്നുള്ള വീടു കുത്തിത്തുറന്ന് അവിടെയുണ്ടായിരുന്ന ആഭരണങ്ങളും പ്രതി കവർന്നെടുത്തു.ഭാസ്കരന്റെയും ദിവ്യയുടെയും മൃതദേഹം കണ്ടത് കടയില്‍ സാധനം വാങ്ങാനെത്തിയവരായിരുന്നു .
