പത്തനംതിട്ടയിൽ ക്ഷേത്രത്തിൽ ലഹരി സംഘത്തിന്റെ ആക്രമണം ; ക്ഷേത്ര ജീവനക്കാരെ മർദ്ദിച്ചു, ഉത്സവത്തിന്റെ ഭാഗമായി സ്ഥാപിച്ച കട്ടൗട്ടും മറ്റും നശിപ്പിച്ചു ; 8 പേർ കസ്റ്റഡിയിൽ ; സംഭവത്തെത്തുടർന്ന് പകൽ 8 മണിക്കൂർ ഹർത്താൽ ആഹ്വാനം ചെയ്ത് ക്ഷേത്ര സംരക്ഷണ സമിതി

പത്തനംതിട്ട: പത്തനംതിട്ട മേക്കോഴൂർ ഋഷികേശ ക്ഷേത്രത്തിൽ ആക്രമണം നടത്തിയ കേസിൽ എട്ടുപേർ കസ്റ്റഡിയിൽ.

ഇന്നലെ രാത്രിയാണ് ക്ഷേത്രത്തിൻറെ ബലിക്കൽ പുരയിൽ കയറി ആക്രമണം നടത്തിയത്. ക്ഷേത്ര ജീവനക്കാരനെ മർദ്ദിക്കുകയും ഉത്സവത്തിന്റെ ഭാഗമായി സ്ഥാപിച്ചിരുന്ന കട്ടൗട്ടും മറ്റും നശിപ്പിക്കുകയും ചെയ്തു.

കഴിഞ്ഞദിവസം ഗാനമേളയിൽ ഉണ്ടായ സംഘർഷത്തിന്റെ തുടർച്ചയായിരുന്നു ആക്രമണം. മദ്യലഹരിയിൽ ഡിവൈഎഫ്ഐക്കാരാണ് ആക്രമണം നടത്തിയത് എന്ന് ക്ഷേത്ര ഉപദേശക സമിതി ഭാരവാഹികൾ ആരോപിച്ചു.

ക്ഷേത്രസംരക്ഷണസമിതി ഇന്ന് ഉച്ചയ്ക്ക് 12 മുതൽ വൈകിട്ട് ആറുവരെ മൈലപ്ര പഞ്ചായത്തിൽ ഹർത്താൽ ആഹ്വാനം ചെയ്തിട്ടുണ്ട്.