തിരുവനന്തപുരം: കേരള സർവകലാശാല ആസ്ഥാനത്തെ സംഘർഷത്തില് രണ്ട് കേസുകളെടുത്ത് പൊലീസ്.
എസ്എഫ്ഐ-കെഎസ്യു പ്രവർത്തകർക്കെതിരെയാണ് പൊലീസ് കേസെടുത്തിരിക്കുന്നത്. 200 ഓളം എസ്എഫ്ഐ-കെഎസ്യു പ്രവർത്തകരെ പ്രതിയാക്കിയാണ് കേസെടുത്തിരിക്കുന്നത്. ജാമ്യം ലഭിക്കാവുന്ന വകുപ്പുകള് പ്രകാരമാണ് കേസെടുത്തിരിക്കുന്നത്.
ഇന്നലെ വൈകിട്ട് സെനറ്റ് തെരഞ്ഞെടുപ്പുമായി ബന്ധപ്പെട്ട വിജയാഹ്ലാദത്തിനിടെയാണ് കെഎസ്യു പ്രവര്ത്തകരും എസ്എഫ്ഐ പ്രവര്ത്തകരും തമ്മില് ഏറ്റുമുട്ടല് ഉണ്ടായത്. ഏഴു ജനറല് സീറ്റില് ആറ് എണ്ണം എസ്എഫ്ഐ ജയിച്ചപ്പോള് വൈസ് ചെയര്പേഴ്സണ് സീറ്റ് കെഎസ്യു നേടി.
Whatsapp Group 1 | Whatsapp Group 2 |Telegram Group
സെനറ്റിലെ സ്റ്റുഡന്റ്സ് കൗണ്സില് സീറ്റുകളിലെ വോട്ടെണ്ണുന്നത്തിനിടെയാണ് സംഘർഷമുണ്ടായത്. യൂണിയൻ ജനറല് സീറ്റായ വൈസ് ചെയര്പേഴ്സണ് സ്ഥാനത്തേക്ക് ആമിന ബ്രോഷ് ആണ് ജയിച്ചത്. സംഘര്ഷത്തെ തുടര്ന്ന് പൊലീസ് ലാത്തി വീശി.
പൊലീസ് ലാത്തി ചാര്ജില് വിദ്യാര്ത്ഥികള്ക്ക് പരുക്കേറ്റു. പാളയത്ത് റോഡിലേക്ക് അടക്കം സംഘര്ഷം വ്യാപിച്ചതോടെ ഗതാഗത തടസമുണ്ടായി.
