പെയിന്റ് വീണ തറ കാണാൻ വലിയ ഭംഗിയും ഉണ്ടാകില്ല. എന്നാല്‍ ഇനി തറയില്‍ പറ്റിപ്പിടിച്ച പെയ്ന്റിനെ എളുപ്പത്തില്‍ വൃത്തിയാക്കാൻ സാധിക്കും. ഇത്രയും ചെയ്താല്‍ മതി.
ഡിഷ് വാഷ് ലിക്വിഡും വെള്ളവും
ഡിഷ് വാഷ് ലിക്വിഡിനൊപ്പം ചെറുചൂടുവെള്ളം ചേർത്ത് മിശ്രിതം തയ്യാറാക്കാം. ശേഷം മൈക്രോഫൈബർ തുണി വെള്ളത്തില്‍ മുക്കി പെയിന്റ് വീണ ഭാഗത്ത് ഉരച്ചെടുക്കണം. ഇങ്ങനെ ചെയ്യുമ്ബോള്‍ പെയിന്റ് ഇളകി വരുകയും പൂർണമായും വൃത്തിയാവുകയും ചെയ്യുന്നു. ഇനി എത്ര ഉരച്ചിട്ടും പോയില്ലെങ്കില്‍ കത്തി ഉപയോഗിച്ചും വൃത്തിയാക്കാവുന്നതാണ്.
Whatsapp Group 1 | Whatsapp Group 2 |Telegram Group
നാരങ്ങ നീരും ഐസോപ്രൊപൈല്‍ ആല്‍ക്കഹോളും
സോപ്പ് വെള്ളത്തില്‍ പോയില്ലെങ്കില്‍ ഈ മാർഗം ഉപയോഗിക്കാം. ഐസോപ്രൊപൈലില്‍ നാരങ്ങ നീര് ചേർത്തതിന് ശേഷം തുടച്ചെടുക്കണം. ഇനി ഐസോപ്രൊപൈല്‍ ഇല്ലെങ്കില്‍ നാരങ്ങക്കൊപ്പം വിനാഗിരി ഉപയോഗിച്ചും വൃത്തിയാക്കാൻ സാധിക്കും. ഇത് തറയില്‍ പറ്റിയ പെയ്ന്റിനെ അലിയിക്കുകയും എളുപ്പത്തില്‍ വൃത്തിയാക്കാൻ സഹായിക്കുകയും ചെയ്യുന്നു.
ചൂട് ഉപയോഗിച്ചും പെയിന്റ് നീക്കാം
എന്തൊക്കെ ഉപയോഗിച്ച്‌ വൃത്തിയാക്കിയിട്ടും പെയിന്റ് പോയില്ലെങ്കില്‍ ചൂട് ഉപയോഗിക്കാം. ഇതിന് നിങ്ങളുടെ കൈവശമുള്ള ഹെയർ ഡ്രൈയർ തന്നെ ധാരാളമാണ്. പെയിന്റ് വീണ ഭാഗത്ത് ചൂടടിപ്പിക്കണം. ചൂടേല്‍ക്കുമ്ബോള്‍ പറ്റിപ്പിടിച്ചിരിക്കുന്ന പെയിന്റ് അലിയും. ശേഷം കത്തി ഉപയോഗിച്ച്‌ ഉരച്ചെടുക്കാവുന്നതാണ്. ശേഷം വൃത്തിയുള്ള തുണി ഉപയോഗിച്ച്‌ തറ തുടക്കാം.
