കേരളത്തില്‍ ഒന്നാകെ കൊടുംചൂടിൻ്റെ കലമാണിത്!ഈ കൊടുംചൂടില്‍ എല്ലാം കഴിക്കാമോ? ശ്രദ്ധിച്ചില്ലെങ്കില്‍ പണി പാളും; ഈ അഞ്ച് ഭക്ഷണങ്ങള്‍ കണ്ണുംപൂട്ടി കഴിച്ചോളൂ…
കോട്ടയം: കേരളത്തില്‍ ഒന്നാകെ കൊടുംചൂടിനെ കലമാണിത്. പകല്‍ സമയത്ത് പുറത്തിറങ്ങുന്നത് പോലും വലിയ ബുദ്ധിമുട്ടേറിയ കാര്യമായി മാറിയിരിക്കുകയാണ് ഇപ്പോള്‍.
പലയിടത്തും അള്‍ട്രാ വയലറ്റ് രശ്‌മികള്‍ എഅപകടകരമായ രീതിയില്‍ ഉയർന്നിരിക്കുകയാണ്. ഇത് ആളുകളുടെ ആരോഗ്യത്തെ കുറിച്ചുള്ള ആശങ്കകള്‍ വലിയ തോതില്‍ വർധിക്കാൻ കാരണമായിട്ടുണ്ടെന്ന് പറയാം. നിലവിലെ സ്ഥിതി അപകടരമാണ്.
പലപ്പോഴും പുറംജോലികള്‍ ചെയ്യുന്നവർക്കും സ്ഥിരം യാത്ര ചെയ്യേണ്ടി വരുന്നവർക്കും വലിയ ബുദ്ധിമുട്ടായിരിക്കും ഈ കാലയളവില്‍ നേരിടേണ്ടി വരിക. അതിനിടയില്‍ അവർക്ക് സ്വന്തം ആരോഗ്യം ശ്രദ്ധിക്കാൻ പലപ്പോഴും കഴിഞ്ഞെന്ന് വരില്ല. സർക്കാരും മറ്റ് സംവിധാനങ്ങളും ഇടയ്ക്കിടെ വിഷയത്തില്‍ കാര്യമായ അറിയിപ്പുകള്‍ നല്‍കുന്നുണ്ടെന്ന് നമുക് കാണാം. എന്നാല്‍ അതുകൊണ്ട് മാത്രമായില്ല പ്രതിവിധികള്‍.
Whatsapp Group 1 | Whatsapp Group 2 |Telegram Group
നമ്മുടെ ഭക്ഷണം ഇതിനെ പ്രതിരോധിക്കുന്നതില്‍ പ്രധാന പങ്ക് വഹിക്കുന്നൊരു കാര്യം തന്നെയാണെന്ന് നിസംശയം പറയാം. ഈ വേനല്‍ക്കാലത്ത് ഭക്ഷണ കാര്യത്തില്‍ നമ്മള്‍ ഒരല്‍പ്പം ശ്രദ്ധ പുലർത്തേണ്ടത് അനിവാര്യമാണ്. ഇതില്‍ നമ്മള്‍ കഴിക്കേണ്ട ചില വസ്‌തുക്കളുണ്ട്. അവ എന്തൊക്കെയാണെന്നും അതിന്റെ പ്രത്യേകതകളും നമുക്ക് അറിയാം. സൂര്യതപത്തെ നേരിടാൻ ഈ മാർഗങ്ങള്‍ നമുക്ക് പരീക്ഷിക്കാം.
കക്കിരി
ശരീരത്തെ തണുപ്പിക്കാനും ജലാംശം നിലനിർത്താനും ഏറ്റവും നല്ല ഭക്ഷണങ്ങളില്‍ ഒന്നാണ് കക്കിരി. ഇതില്‍ 95 ശതമാനം വെള്ളവും അടങ്ങിയിട്ടുണ്ട്, ഇത് ശരീര താപനില നിയന്ത്രിക്കാൻ സഹായിക്കുന്നു. കക്കിരി നമുക്ക് വേണമെങ്കില്‍ പച്ചയായി കഴിക്കാം അല്ലെങ്കില്‍ ഉന്മേഷദായകമായ പാനീയങ്ങളാക്കി മാറ്റാവുന്നതുമാണ്. കൂടാതെ മറ്റൊരു ഫലപ്രദമായ മാർഗം സാലഡുകളില്‍ ചേർക്കാം എന്നതാണ്.
ഇളനീർ
ഇളനീർ ഇലക്‌ട്രോലൈറ്റുകളാല്‍ സമ്പുഷ്‌ടമാണ്, ഇത് വളരെ ജലാംശം നല്‍കുന്നതാണ്, കൂടാതെ ശരീരത്തിന്റെ ദ്രാവക സന്തുലിതാവസ്ഥ നിലനിർത്താൻ സഹായിക്കുന്നു. ഈ പാനീയം നിർജ്ജലീകരണം തടയുകയും വിയർപ്പിലൂടെ നഷ്ടപ്പെടുന്ന ധാതുക്കള്‍ വീണ്ടും ഉണ്ടാവാൻ സഹായിക്കുകയും ചെയ്യും. ഇളനീരില്‍ പൊട്ടാസ്യം ധാരാളം അടങ്ങിയിട്ടുണ്ട്. ഇതും ശരീരത്തിന് അനുയോജ്യമായ ഒന്നാണ്.
ഇലക്കറികള്‍
ഉയർന്ന അളവിലുള്ള ജലാംശം ചൂടുപിടിക്കുന്നത് തടയാൻ അനുയോജ്യമായ ഭക്ഷണമാണ് ഇലക്കറികള്‍. മാത്രമല്ല, അവ വയറിന് ലഘുവായി പ്രവർത്തിക്കുകയും ശരീരത്തെ തണുപ്പിക്കുകയും ചെയ്യുന്നു. വിയർപ്പിലൂടെ നഷ്ടപ്പെടുന്ന ധാതുക്കള്‍ വീണ്ടും നിറയ്ക്കാൻ ഇലക്കറികളിലെ ജലാംശം സഹായിക്കുന്നു. സലാഡുകളിലും തോരനായും ഒക്കെ നമുക്ക് അധികം വേവിക്കാതെ കഴിക്കാം.
നാരങ്ങാവെള്ളം
വേനല്‍ക്കാലത്ത് ജലാംശം വർദ്ധിപ്പിക്കുന്ന ഒരു പ്രകൃതിദത്ത ശീതീകരണമാണ് ഇത്. വിറ്റാമിൻ സി ധാരാളം അടങ്ങിയ ഈ പാനീയം വേനല്‍ക്കാല പ്രതിരോധശേഷി വർധിപ്പിക്കാൻ സഹായിക്കുന്ന ഘടകമാണ്. വേനല്‍ക്കാലത്ത് വ്യാപകമായി ഉപയോഗിക്കുന്ന നാരങ്ങാവെള്ളം ശരീരത്തെ വിഷവിമുക്തമാക്കുന്നതിനൊപ്പം തല്‍ക്ഷണ തണുപ്പിക്കലിന് കൂടി വഴിയൊരുക്കുന്നു.
തണ്ണിമത്തൻ
തണ്ണിമത്തൻ വേനല്‍ക്കാലത്തെ പ്രധാന ഭക്ഷണങ്ങളില്‍ ഒന്നാണ്. ഇതില്‍ 92 ശതമാനം വെള്ളവും അടങ്ങിയിരിക്കുന്നു. ഇലക്‌ട്രോലൈറ്റുകളാല്‍ സമ്പുഷ്‌ടമായതിനാല്‍, ഈ ജ്യൂസിക് പഴം ശരീരത്തെ തണുപ്പിക്കുകയും ജലാംശം നിലനിർത്തുകയും ചെയ്യുന്നു. സൂര്യപ്രകാശത്തില്‍ നിന്ന് ചർമ്മത്തെ സംരക്ഷിക്കുന്ന ലൈക്കോപീനും ഇതില്‍ അടങ്ങിയിട്ടുണ്ട്. നിങ്ങള്‍ക്ക് പഴം ഒരു ലഘുഭക്ഷണമായി ആസ്വദിക്കാം.
