നെടുംകുന്നത്ത് വീട്ടിൽനിന്നു റോഡിലേക്കിറങ്ങിയ കാറിൽ മിനിവാൻ ഇടിച്ച് അപകടം; കാർ യാത്രികരായ രണ്ടുപേർക്കു പരിക്ക്; പരിക്കേറ്റവരെ കങ്ങഴയിലെ സ്വകാര്യ ആശുപത്രിയിൽ പ്രവേശിപ്പിച്ചു

നെടുംകുന്നം: കങ്ങഴ-കോവേലി റോഡിൽ കണ്ണംചിറയിൽ കാറും മിനിവാനും കൂട്ടിയിടിച്ച് കാർ യാത്രികരായ രണ്ടുപേർക്കു പരിക്കേറ്റു.

ദേവഗിരി കണ്ണംചിറയിൽ അതുൽ ഓടിച്ച കാറിൽ മിനിവാൻ വന്നിടിക്കുകയായിരുന്നു. കാറിലുണ്ടായിരുന്ന ബന്ധു ഷേർലി ടോം, ശാലിനി എന്നിവർക്കാണ് പരിക്കേറ്റത്.

വീട്ടിൽനിന്നു റോഡിലേക്കിറങ്ങിയ കാറിൽ കങ്ങഴ ഭാഗത്തുനിന്നു വന്ന മിനിവാൻ ഇടിക്കുകയായിരുന്നു.

കാറിൻ്റെ ഒരുവശം ഭാഗികമായി തകർന്നു. പരിക്കേറ്റവരെ നാട്ടുകാർ കങ്ങഴയിലെ സ്വകാര്യാശുപത്രിയിൽ പ്രവേശി പ്പിച്ചു.