മോഹൻലാലിന്റെ ഇഷ്ട വിഭവം ഇതാ; പഴം നെയ്യില്‍ വരട്ടിയത് എങ്ങനെ ഉണ്ടാക്കാമെന്ന് നോക്കാം

കോട്ടയം: നടൻ മോഹൻലാലിന്റെ പ്രിയപ്പെട്ട വിഭവങ്ങളില്‍ ഒന്നാണ് പഴം നെയ്യില്‍ വരട്ടിയത്. അദ്ദേഹം തന്നെ നിരവധി അഭിമുഖങ്ങളില്‍ ഈ വിഭവം ഒറ്റക്ക് ഉണ്ടാക്കി കഴിക്കുന്നതിനെ കുറിച്ച്‌ പറഞ്ഞിട്ടുണ്ട്.

എങ്ങനെ ഈ മധുരമൂറും വിഭവം ഉണ്ടാക്കാമെന്ന് നോക്കിയാലോ?

ആവശ്യ സാധനങ്ങള്‍:
നേന്ത്രപ്പഴം (നന്നായി വിളഞ്ഞത്)- 3 എണ്ണം
വെളിച്ചെണ്ണ – 2 ടേബിള്‍ സ്പൂണ്‍
നെയ്യ് – 2 ടേബിള്‍ സ്പൂണ്‍
പഞ്ചസാര – 1 ടേബിള്‍ സ്പൂണ്‍

ഉണ്ടാക്കുന്ന വിധം :
പഴം, തൊലി കളഞ്ഞ് നീളത്തില്‍ കനം കുറച്ചു മുറിച്ചു വയ്ക്കണം. സോസ്പാനില്‍ വെളിച്ചെണ്ണയും ഒരു ടേബിള്‍സ്പൂണ്‍ നെയ്യും ഒഴിച്ച്‌ ചൂടാകുമ്പോള്‍ പഴക്കഷണങ്ങള്‍ നിരത്തി ചെറുതീയില്‍ ഇരുവശവും മൊരിച്ചെടുത്ത് പ്ലേറ്റില്‍ നിരത്താവുന്നതാണ്. മുകളില്‍ ബാക്കി നെയ്യ് തൂകി പഞ്ചസാര കൂടി വിതറിയാല്‍ പഴം വാട്ടിയതായി.