ഇതര സംസ്ഥാന തൊഴിലാളികൾ തമ്മിൽ വാക്കേറ്റം; ബിയർ കുപ്പി കൊണ്ട് തലയ്ക്കടിയേറ്റ് ഒരാൾക്ക് പരുക്ക്

കുന്നംകുളം നടുപ്പന്തിയിൽ ഇതര സംസ്ഥാന തൊഴിലാളിയെ ബിയർ ബോട്ടിൽ കൊണ്ട് തലക്കടിച്ച് പരുക്കേൽപ്പിച്ചു. വാടക ക്വാർട്ടേഴ്സിൽ താമസിക്കുന്ന ഛത്തീസ്ഗഢ് സ്വദേശി പ്രഹ്ലാദൻ എന്ന വ്യക്തിക്കാണ് സംഭവത്തിൽ പരുക്കേറ്റത്.

ഇന്ന് വൈകിട്ട് 6 ഓടെ ഇതര സംസ്ഥാന തൊഴിലാളികൾ തമ്മിൽ വാടക ക്വാർട്ടേഴ്സിൽ വെച്ച് പരസ്പരം ഏറ്റുമുട്ടുകയായിരുന്നു. വാക്കേറ്റം കടുത്തതോടെ പ്രഹ്ലാദന്റെ തലയിലേക്ക് മറ്റൊരു തൊഴിലാളി ബിയർ കുപ്പികൊണ്ട് അടിക്കുകയായിരുന്നു.

തലയ്ക്ക് പരുക്കേറ്റ ഇയാൾ ഗുരുതരാവസ്ഥയിൽ ചികിത്സയിൽ കഴിയികയാണ്. സംഭവത്തിൽ 2 പേരെ കുന്നംകുളം പൊലീസ് കസ്റ്റഡിയിലെടുത്തു.