ട്രെയിനിൽ വെച്ച് യാത്രക്കാരിയായ യുവതിക്ക് നേരെ ലൈംഗികാതിക്രമം ; തിരുവനന്തപുരം സ്വദേശിയായ യുവാവ് കോട്ടയത്ത് പിടിയിൽ

കോട്ടയം : ട്രെയിനിൽ വെച്ച് യാത്രക്കാരിയായ യുവതിക്ക് നേരെ ലൈംഗികാതിക്രമം യുവാവ് അറസ്റ്റിൽ.

തിരുവനന്തപുരം പൂന്തുറ സ്വദേശി മിൽക്ക് കോളനിയിൽ ഷംനാദ്(31) ആണ് പിടിയിലായിരിക്കുന്നത്.

വ്യാഴാഴ്ച 8 മണിയോടെയാണ് സംഭവം, മലബാർ എക്സ്പ്രസിൽ യാത്ര ചെയ്യുകയായിരുന്നു യുവതിയോട് ഇയാൾ അപമര്യാദയായി പെരുമാറുകയായിരുന്നു.

യുവതിയുടെ പരാതിയെ തുടർന്ന് കോട്ടയം റെയിൽവേ എസ് എച്ച് ഒ റെജി പി ജോസഫ്, എ എസ് ഐ തുളസീധരക്കുറുപ്പ് എന്നിവരുടെ നേതൃത്വത്തിൽ അറസ്റ്റ് ചെയ്യുകയായിരുന്നു, കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.