ആനയിറങ്കൽ ഡാമിൽ അപകടം: കുളിക്കാനിറങ്ങിയ രണ്ടു പേരെ കാണാതായി, ഫയർഫോഴ്സിന്റെ നേതൃത്വത്തിൽ തിരച്ചിൽ പുരോഗമിക്കുന്നു

ഇടുക്കി: ഇടുക്കി ആനയിറങ്കൽ ജലാശയത്തിൽ കുളിക്കാനിറങ്ങിയ രണ്ട് പേരെ കാണാതായി. രാജകുമാരി പഞ്ചായത്ത് അംഗവും മഞ്ഞക്കുഴി സ്വദേശി ജയ്സൺ മോളയക്കുഴി സ്വദേശി ബിജു എന്നിവരെയാണ് കാണാതായത്. കുളിക്കാൻ ഇറങ്ങിയപ്പോൾ മുങ്ങിപ്പോയതാണോ എന്ന സംശയം. ഇന്നലെ വൈകുന്നേരത്തോടെയാണ് സംഭവം.

ഇരുവരും കുളിക്കാനായി ആനയിറങ്കൽ ഡാമിൽ ഇറങ്ങിയതാണെന്നാണ് പ്രാഥമിക വിവരം. കരയിൽ നിന്ന് ഇരുവരുടെയും മൊബൈലും പേഴ്സും ചെരുപ്പും കണ്ടെത്തി.

ഡാമിൻ്റെ പല മേഖലകളിലും അപകട സാധ്യത കൂടുതലാണ്. നിലവിൽ ഫയർഫോഴ്സും പ്രദേശവാസികളും, പോലീസും വനം വകുപ്പിൻ്റെയും നേതൃത്വത്തിൽ തിരച്ചിൽ നടത്തുകയാണ്.