പകല്‍ താപനില ഉയരുന്നു ; കോട്ടയത്ത് 36.8 ഡിഗ്രി സെൽഷ്യസ് രേഖപ്പെടുത്തി

കോട്ടയം : ഫെബ്രുവരി പകുതിയായതോടെ കോട്ടയത്തെ പകല്‍ താപനില ഉയരുന്നു. ഇന്ന് കോട്ടയം ഓട്ടോമാറ്റിക് വെതർ സ്റ്റേഷനില്‍ ഉയർന്ന ചൂട് 36.8 °C രേഖപ്പെടുത്തി.

ഉച്ചകഴിഞ്ഞ് 2.45നാണ് ഉയർന്ന താപനില രേഖപ്പെടുത്തിയത്.

കാലാവസ്ഥാ വകുപ്പിൻ്റെ കണക്കു പ്രകാരം ഇന്നലെ പകല്‍ 35.2 °C വരെ താപനില ഉയർന്നു.ഇന്ന് പകല്‍ 12 മണി മുതല്‍ മൂന്നു മണി വരെ താപനില 35°C ന് മുകളിലായിരുന്നു.

വരും ദിവസങ്ങളില്‍ താപനില വീണ്ടും ഉയരുമെന്നാണു കാലാവസ്ഥാ വിദഗ്ധരുടെ അഭിപ്രായം. കഴിഞ്ഞ വർഷം ഫെബ്രുവരി അവസാനം കോട്ടയത്തെ താപനില 38.5°C വരെ ഉയർന്നിരുന്നു.