ഇരുചക്ര വാഹനത്തില്‍ സഞ്ചരിച്ച അമ്മയ്ക്കും മകനും നേരെ മൂന്നാറിൽ പടയപ്പയുടെ ആക്രമണം ; അമ്മയെ ആന എടുത്തെറിഞ്ഞു

ഇടുക്കി :മൂന്നാർ വാഗവരയില്‍ ഇരുചക്രവാഹനത്തില്‍ പോവുകയായിരുന്ന അമ്മയ്ക്കും മകനും നേരെ കാട്ടാന ആക്രമണം.

ഇന്നലെ രാത്രി ഒരു മണിയോടെയാണ് പടയപ്പയെന്ന കാട്ടാന ഇരുവരെയും ആക്രമിച്ചത്.

തൃശൂർ സ്വദേശിയായ ഡില്‍ജിയും മകൻ ബിനിലും മറയൂരിലേക്ക് പോകും വഴിയാണ് അപകടം. വഴിയില്‍ ആനയെ കണ്ട ഇവർ വാഹനം നിർത്തി ഓടി രക്ഷപ്പെടാൻ ശ്രമിച്ചു.

എന്നാല്‍ ഡില്‍ജയെ പടയപ്പ എടുത്തെറിയുകയായിരുന്നു. ആക്രമണത്തില്‍ ഡില്‍ജയുടെ ഇടുപ്പെല്ല് പൊട്ടി. ഡില്‍ജ നിലവില്‍ തൃശ്ശൂർ അമല ആശുപത്രിയില്‍ ചികിത്സയിലാണ്.